feature

幸福感UP!和微胖女交往的3個好處

幸福感UP!和微胖女交往的3個好處

香港女仔推崇「瘦=美」,就連啲原本已經好瘦嘅女仔都會覺得自己「未夠瘦」,近年更加出現手指掂肚臍、A4紙腰同紙幣包手腕同呢啲量度瘦嘅標準。眼見一啲女仔已經瘦到「得排骨」但都成日將減肥掛喺口邊,呢種情況實在令小編擔心,唔健康之餘,更加係病態!計我話,其實女仔有啲肉先係正,有墨西哥大學心理學研究更加發現同「微胖女」拍拖嘅男仔幸福感會高10倍!!!


但係究竟點樣為之「微胖」呢?並唔係個個「肉肉」嘅女仔都係「微胖女」嘅!雖然「微胖」並無一個學術或者官方嘅定義,但係網民都普遍認為「微胖女」係啲身體有肉得嚟依然見到鎖骨同有腰線嘅女仔,娛樂圈嘅苟姑娘同JW王灝兒就係「微胖女」嘅最佳人選!同「微胖女」拍拖其實又點止幸福感高咁簡單呀,其實佢哋優點一籮籮,禾稈冚珍珠架!

人肉攬枕超好攬

「微胖女」無論係面蛋、肚子、手臂定大髀都有肉,攬起上黎超有手感,好似攬住隻公仔咁,超有安全感!如果係啲骨瘦如柴嘅女仔,攬起上來只會得骨感,好似骨頭撞骨頭咁!加上「微胖」屁股有肉,曳曳起上嚟真係可以啪啪聲,男仔眼中絕對係加分唷!

吃貨零浪費

「微胖女」之所以「微胖」係有原因嘅,通常佢哋都係為食鬼,係吃貨之人。同佢哋去食嘢唔洗擔心佢食唔哂自己個份然後要你包底,又唔洗驚佢哋會因為怕肥所以揀飲擇食,有陣時望住佢哋食嘢食得好開心嗰個樣係會有一種幸福感!

無偶像包袱

因為原本已經唔係走女神嘅「高、瘦、長」路線,所以「微胖女」都唔會過份注重形象。加上佢哋肉肉嘅身形,都會多咗份莫名奇妙嘅親和力,好容易同人打成一片。同「微胖女」相處就係無咩壓力,無咩包袱,十分舒服!

LOAD MORE