男生在交往後的5大殘酷差異！你家男友中了幾多樣？

明明追嗰陣唔係咁，點解得手之後差咁遠！聽過好多姊妹投訴話男朋友「以前唔係咁！」，自從拍拖耐咗之後就開始懶惰，唔知呢5樣你哋又有冇共鳴呢？

1.信息回覆率下降

已經唔再瘋狂傳訊息，明明以前係秒覆，依家可能隔幾個鐘先覆甚至唔覆。以前可能見到咩得意嘢都會分享俾對方，依家嘅對話可能只剩下生活小日常「早晨」、「晚安」、「今晚食唔食飯？」

 

2.少了甜言蜜語

追你嗰陣就BB前BB後，又會成日講啲sweet嘢，但追到手之後就開始躲懶懶。莫講話撩妹金句，直頭係想叫佢講句「我愛你」都難呀！

 

3. 不再隨傳隨到

以前少少嘢男朋友都會親身到來，可能只係一句「掛住你」，轉個頭男朋友就會出現喺你面前。又或者係你唔舒服，佢都會嚟陪你，但一齊耐咗呢種行為都相繼下降，你嘅一句「掛住你」可能會換嚟一個Sticker或者Emoji！

 

4. 甜蜜拍拖時間大幅下降

想周末出去拍拖：出街逛逛或者親親大自然？最終可能會變咗喺屋企瞓覺攤屍！熱戀期男友會費盡心思諗拍拖活動，上山下海在所不辭，拍拖耐咗周末嘅活動就只剩下喺屋企HEA。

 

5.不會再阻止你減肥

以前你話自己長肉肥咗，男友總係話你知唔需要：「肥肥哋幾可愛」、「有肉好攬啲」、「都唔肥！」依家變成超級誠實，會直接拋下一句：「你好似肥咗喎！」，然後再無好似以前咁阻止你減肥！講下大話氹下人唔得嘅......