米奇與好友聖誕舞會係一個20分鐘嘅慶祝舞會呈獻精彩嘅現場四重唱、 仲有一班換上聖誕服飾嘅迪士尼朋友仔同你唱歌跳舞！除咗迪士尼經典卡通人物，仲會見到Duffy、ShellieMay、Gelatoni 、StellaLou同新朋友Cookie！
又點少得睇飄雪同聖誕樹亮燈呢？聖誕樹高18米仲要掛滿閃爍璀璨嘅裝飾，加埋夜晚嘅「聖誕飄雪時刻」真係超浪漫，最適合同你嘅摯友一齊嚟！
記住要同換上聖誕服飾嘅迪士尼朋友打卡留念過返個Merry Christmas呀！
地址：香港迪士尼樂園
日期：2018 年11月15日－2019年1月1日
TSUM TSUM 聖誕市集
TSUM TSUM一班朋友仔會以聖誕造型同大家見面同大家過一個與別不同嘅聖誕！
踏入市集抬頭就會看到11個巨型TSUM TSUM燈泡氣球喺上空閃閃發光嚟迎接大家！
聖誕節又點少得聖誕樹？呢棵4.5米高嘅聖誕樹由22隻迪士尼TSUM TSUM疊砌而成，可愛度爆燈！
仲有呢個打卡一流嘅繽紛隧道！同樣充滿聖誕氣氛！
地址：朗豪坊4樓通天廣場
日期：2018 年11月14日－2019年1月6日
CK鼠聖誕「家」年華
講完Disney，當然要講下Sanrio一班朋友仔啦！CK鼠趁住聖誕兼慶祝20週年，決定帶埋88隻小萌員嚟到香港探我哋，同我哋一齊過可愛爆燈聖誕節！
呢個4米高嘅「奔Fun動『滾』花輪」將花環同滾輪二合為一，加埋周邊嘅聖誕裝飾真係超有聖誕氣氛！
地址：希爾頓中心
日期：2018 年11月7日－2019年1月2日
黃色嘅巨型糖果池塞滿咗軟綿綿嘅聖誕糖果同可口甜點，你可以盡情跳入池入面同閨密嚟返場doughnut大戰！
地址：好運中心及好順福購物中心
日期：2018 年11月10日－2019年1月2日
仲有聖誕禮物！即日購物滿指定金額仲可以參加「動感滾輪聖誕賞」，只要喺限時內將彩色波波投入輪上嘅指定顏色圓圈，即可贏得限量CK鼠聖誕造型禮品乙份！
地址：粉嶺名都商場．希爾頓中心．好運中心
日期：2018 年12月1日－2018年12月23日
布甸狗部屋聖誕派對
Pompompurin (布甸狗) 正密鑼緊鼓咁佈置屋企，準備迎接粉絲去到首次曝光嘅部屋舉行聖誕派對！
不得不提呢個16呎高嘅巨型戶外充氣布甸狗，現場睇超震撼！！！就連你企喺荃灣廣場外圍都已經望到布甸狗龐大嘅身軀，記住同佢影返張相呀！
不遠處仲有一條13米長、掛滿布甸狗裝飾嘅星光長廊，當黑夜降臨亮燈嘅時候真係超浪漫！
呢棵聖誕樹係用咗過百隻「複製」布偶嚟整㗎！聖誕樹高11呎，每層均以深啡色嘅焦糖漿圓塊相隔，十分吸睛搶鏡！
地址：荃灣廣場
日期：2018 年11月9日－2019年1月1日
Kerokerokeroppi聖誕星際漫遊
Keroppi同家族朋友仔邀請大家一齊穿梭外太空，於奇幻星際國度大搞聖誕派對！
可以喺夢幻嘅鏡房入面欣賞從天花懸垂而下嘅串串星燈，用全景拍攝仲可以拍下猶如置身漫天星海嘅360°夢幻照片添！
地址：馬鞍山廣場
日期：2018 年11月12日－2019年1月2日
坐上Keroppi女朋友Keroleen駕駛嘅UFO，向銀河上未知嘅星球進發，展開多姿多采的太空旅程！
地址：置富嘉湖
日期：2018 年11月12日－2019年1月2日
喺滿載禮物嘅Keroppi造型衛星車上接收從四方八面傳來嘅聖誕祝福，只要Like/讚好置富Malls Facebook或WeChat就可以到Keroppi火箭扭蛋機前一試運氣，仲有機會贏取Keroppi豐富禮品添！
地址：紅磡置富都會
日期：2018 年11月12日－2019年1月2日
