feature

解構男生6個不想愛愛原因!影響性慾的主因是...

解構男生6個不想愛愛原因!影響性慾的主因是...

成日聽到啲男仔話「有得食唔食罪大惡極!」,如果有女仔主動送上門,又或者女朋友主動引誘梗係上馬啦!但事實又係唔係咁呢?都曾經聽過唔少姊妹話男朋友竟然「唔想要」,究竟係自己唔夠吸引定係對方覺得悶?除咗外在因素之外,其實男生唔想愛愛可能有其他原因!

by COSMO

1. 無FEEL

解構男生6個不想愛愛原因!影響性慾的主因是...

女生成日都以為男生可以將性同愛完全分開,覺得男生應該跟誰都可以上床!但其實有無Feel對男仔嚟講一樣重要,所以未必一定係「有得食唔食罪大惡極!」男仔身體無錯好誠實,莫講話係送上門,隨時連見到熱妹或者裸女都會有生理反應。但到實戰起上嚟,其實男生都好重視情感連結。都係個句啦,肚餓要食飯,但如果食到自己鍾意食嘅嘢會開心啲!

2. 工作太攰

解構男生6個不想愛愛原因!影響性慾的主因是...

一整天超疲累工作過後,仲要陪你玩,然後隨時第二朝有超重要會議要開,絕對唔可以遲到!真係聽到都覺得攰,女生們就體諒一下另一半有時工作的確超辛苦,返到屋企只係想好好休息下!

3. 缺乏新鮮感

解構男生6個不想愛愛原因!影響性慾的主因是...

同居太耐或者結咗婚嘅朋友仔可能會遇上呢個問題。當兩個人一齊太耐,愛愛次數都會相繼下降。並唔係覺得你無吸引力或者唔夠性感,只係新鮮感不再,要睇嘅又看睇過,要試嘅又試過,就唔會好似以前熱戀時刻刻都想要!天天同床就會覺得就算一兩日不做都可以!

4. 喝醉只想睡

解構男生6個不想愛愛原因!影響性慾的主因是...

電視電影成日都會見到酒後亂性,或者男女飲醉酒就會展開超激烈床戰,但其實男生們都表示飲醉後都只想睡!當男生飲醉酒,性感內衣加誘人音樂嘅吸引力隨時都比唔上一張床!

 

5. 感情變淡

解構男生6個不想愛愛原因!影響性慾的主因是...

男友對你無性趣其中一個原因可能真係因為感情變淡,漸漸覺得愛愛只係在履行作為男友嘅義務,而唔覺得開心或者甜蜜。當兩個人一齊得耐,而你又發現男友睇A片打飛機次數增多,相反掂你嘅次數減少,可能你就要多加留意一下。

 

6. 怕整親你

解構男生6個不想愛愛原因!影響性慾的主因是...

聽過有男仔話驚整痛女朋友,所以唔太敢掂佢。女朋友有陰道炎,又或者分泌唔夠所以愛愛時候感到痛楚,呢啲情況其實都有機會嚇怕男友。

 

LOAD MORE