第一杯：起床後
經過一整晚嘅睡眠，身體處於缺水嘅狀態，喺早餐前先飲一杯水令身體起身。除咗可以幫助提升新陳代謝之外，都可以清腸胃同幫助排便！
第二杯：早上9:00
根據身體嘅生理時鐘，早上9點呢個時間正正係腸胃排毒嘅時間，所以第二杯水可以幫助腸胃清理體內毒素！
第三杯：上午11:30
Lunch之前飲杯水，可以減低你嘅食量同增加飽足感。有杯水頂下肚就可以避免Lunch食
第四杯：下午1:00
Lunch千祈唔好食咁飽，只要食到7-8分飽就OK，Lunch之後半個鐘可以再飲一杯水，咁樣就可以幫助消化。
第五杯：下午3:00
到teatime時間係咪又開始肚餓呢？口痕嘅時候飲杯水啦，呢個時候飲水可以促進小腸排毒，飲水代替零食頂肚就可以食少啲垃圾食物啦！
第六杯：下午5:30
返工就係愈近收工就愈肚餓，去到5點幾真係好想食嘢！總之記住口痕就飲水啦！第六杯水就係5:30要飲！
第七杯：晚上7:00
晚上7:00係身體新陳代謝最繁忙嘅時間，喝杯水可以有效促進血液循環同排毒，喺呢個時候飲水更加會有同運動相同嘅功效！所以如果你真係好懶唔想做運動就記住飲水啦！
第八杯：晚上9:00
喺瞓之前大概2個鐘飲最後一杯水！因為人體喺瞓覺嘅時候無辦法自行補充水分，所以要先補充一啲！我知你一定會問「咁如果好夜先瞓咁點算？」如果你係夜鬼嘅話，就依個人睡覺時間調整啦！