一秒激嬲女友!江若琳送驚喜Oscar無反應,謝安琪田蕊妮:咁唔得喎!

一秒激嬲女友!江若琳送驚喜Oscar無反應,謝安琪田蕊妮:咁唔得喎!

江若琳Elanne同「生煎包王」蕭潤邦Oscar向來都恩愛又甜蜜,早前Oscar就喺慶祝37歲生日嘅時候,求婚成功,閃爆全場,亦得到好多人嘅祝福,點知⋯⋯隔咗一排,Oscar竟然激黝咗女朋友?!

By COSMO

話說Oscar之前去咗海洋公園開工,女友江若琳突然現身想俾個驚喜Oscar,可惜⋯⋯

Oscar事後喺facebook貼文:「今天我又到海洋公園煎包,大眼妹(江若琳)突然出現我面前給我驚喜,但因為我反應不夠大,她看不出我有驚喜,所以嬲了!她真係好special,I love u」

Oscar應該感受好深,所以喺facebook呻女友嬲咗佢,後來佢再貼文:「就係咁,她的驚喜,加我的反應,她嬲了」。

當時Elanne拎住手機,諗住拍攝Oscar見到自己嘅驚喜樣。

Elanne從人群中出現,向Oscar order鍋貼,認真工作嘅Oscar見到女友出現,一臉茫然,仲好冷靜咁問咗句:「點解你嚟咗嘅?」

就係咁Elanne就嬲咗佢喇。

對於Oscar嘅反應,有粉絲就話:「Oscar好man」、「認真工作嘅男人好吸引」,但係好友田蕊妮同謝安琪就就留言撐Elanne。

謝安琪:「大佬,今次我不幫你了,我老公真是很誇張的」

田蕊妮:「(反應)太平淡喇!拖出去斬!」

之後Elanne都再有探班加幫手,Oscar都好識做地大讚女友:「你對我的支持不是齋up,而是行動!多謝你不嫌棄我滿身生煎包味道!我不想張開眼永遠發這個好夢!」

相信經過今次嘅「教訓」,Oscar應該學識下次要點做啦哈哈,記得要俾多啲戲,氹下女朋友啊!

LOAD MORE