feature

人氣急升!《復仇者聯盟3》緋紅女巫Elizabeth Olsen貼地又唔做作

人氣急升!《復仇者聯盟3》緋紅女巫Elizabeth Olsen貼地又唔做作

《復仇者聯盟3》上映數日,已經成為多個票房第一,仲創下多個新紀錄,大家就知道《復仇者聯盟3》有幾火紅了吧!而今集嘅其中一個緊張位,應該就係要緋紅女巫同幻視嘅感情線,真係睇到人眼濕濕。緋紅女巫嘅亮眼演出,亦都令佢人氣急升,唔少粉絲仲表示,佢嘅人氣直逼黑寡婦。

by anna

緋紅女巫重情重義,而飾演「緋紅女巫」嘅女演員Elizabeth Olsen,現實中亦都係一個好得人喜歡嘅女生,Elizabeth Olsen今年29歲,之前出演《復仇者聯盟2:奧創紀元》同《美國隊長2:酷寒戰士》時,已吸納唔少粉絲,看過關於佢嘅呢幾件事後,你會更加喜歡緋紅女巫,好想快啲有得睇《復仇者聯盟4》啊!

1. 夠真又無偶像包袱

Elizabeth Olsen喺大大小小嘅活動上,都會以最燦爛嘅笑容面對觀眾,有時仲會笑到無晒儀態,但係佢一啲都唔介意,淨係希望將最真嘅一面俾大家睇到,又會不時同粉絲有互動,咁貼地嘅大明星真係好少有。

2. 堅持自己嘅夢想

Elizabeth Olsen有兩位高人氣嘅演員姊姊,而佢又比兩位姊姊遲入行,2011年先有接拍首套獨立電影,好多人都會將佢同兩位家姐做比較,覺得佢能力不及兩位姊姊,但佢並無放棄夢想,反而默默耕耘,一步一步去尋找屬於自己嘅角色,到後來接到《復仇者聯盟2:奧創紀元》令全球嘅觀眾都認識到佢。

3. 敢言唔做作

Elizabeth Olsen雖然係《復仇者聯盟》嘅重要演員之一,但面對佢覺得唔岩嘅事,都係會勇敢地發聲,呢個直接唔做作嘅個性,令佢深得粉絲喜歡!《復仇者聯盟3》上映前,Marvel就發布新嘅預告、劇照、海報等等,而喺其中一張相入面,緋紅女巫明顯被photoshop得過多了,就連Elizabeth Olsen都忍唔住喺IG發文問:「這看起來像我嗎?」。另外佢亦曾經反映過,覺得佢套緋紅女巫造型太過性感,露得比人哋多,表示唔想被focus喺身材上。

4. 男女都喜歡她

170cm高嘅緋紅女巫個性親切,又幽默,所以好多朋友都喜歡佢,而avengers入面嘅男演員,都為佢為之瘋狂,佢加入後就曾經同美國隊長、洛基同埋鷹眼傳過緋聞,Elizabeth Olsen正能量十足,難怪會吸引到咁多男生。

LOAD MORE