news

Elkie《富家之子》出力演喊戲,被網友大讚:「演得夠自然!」

Elkie《富家之子》出力演喊戲,被網友大讚:「演得夠自然!」

港童星莊錠欣(Elkie)過咗去韓國發展,成績唔錯,之前同組合CLC一齊推出嘅新歌《Black Dress》都有唔錯嘅反應。最近佢首部嘅韓劇《富家之子》正在播放,Elkie嘅表現就成為咗焦點喇,而早前播出嘅一集,仲令Elkie人氣急升!

by anna

劇情就講到飾演中國留學生嘅Elkie即將要離開明夏,返回父母嘅身邊,明夏就立即表示反對,仲好緊張咁問夢夢唔係仲有好多願望未實現咩?而夢夢就激動地回答佢話都無辦法,仲藉機向明夏表白。

其實夢夢一早就對明夏有好感,當日佢哋係飛機上相遇,夢夢見到明夏著住紅色褲逃跑嘅樣子好可愛,不過因為怕會被明夏討厭,所以一直都無同對方相認。夢夢眼泛淚光同明夏講::「但係你讓我好難過,其實喺飛機上見到你,我就喜歡你喇!」

夢夢繼續撒嬌:「有件事,我想拜託你,我希望你可以縮到最細,細到我可以將你裝到包包入面,咁我就可以帶你回家了!」

相信係男仔見到有女生咁樣撒嬌,仲出動眼淚攻勢,應該都好易心軟!明夏見到夢夢喊,就心痛兼安慰佢講:「唔好喊喇,屋塔房睇星、南山塔夜景、漢江大橋我都會讓你睇到。」哇,oppa真係好man啊!

櫻花樹下,再嚟個深情嘅擁抱,真係好感人又浪漫。

搞到Elkie都忍唔住喊出嚟,網民都大讚Elkie嘅演技自然又舒服:「真係演得唔錯」、「唔會好做作」、「喊都咁靚」,睇嚟韓劇迷都好喜歡Elkie嘅演出啊。

呢對小情侶嘅發展真係令人睇到心癢癢啊,好希望佢哋有好嘅結局啊。

LOAD MORE