佢唔係真心對你!假朋友嘅8個特徵

佢唔係真心對你!假朋友嘅8個特徵

朋友出賣,係好hurt嘅事,可以搞到成個人沉晒落谷底。有啲人係好假嘅,因為佢對個個都係咁,有個好完整嘅表象,所以唔係咁易識別⋯⋯

by juju

所以為咗自己、為咗保護身邊嘅人,最好了解「假人」有咩特徵,唔好盲中中咁中落去!

朋友特徵1: 佢講嘅嘢同佢做嘅嘢唔一致

假人好識做形象工程,佢將90%以上嘅精力都放喺包裝自己上面。你要留意佢經常掛喺口邊最多嘅係啲咩,例如「無所謂」、「重視朋友」、「睇開啲」等等呢啲口頭禪,再客觀咁觀察佢實際嘅行為係咪一致,如果「口」同「做」嘅嘢好唔同,甚至各走極端,你要好小心好小心!

朋友特徵2: 佢好似成日都想喺你身上得到一啲著數

包括金錢、工作機會、進入某個人際圈子、免費參加一啲聚會、免費用一啲資源、無理智嘅贙同等等,本來你純綷喜歡佢、唔介意俾佢運用你呢啲資源,但係如果佢同你玩只係為咗呢啲嘢,最終你同你身邊嘅人都會受到傷害!

朋友特徵3: 當你有啲嘢拒絕佢,佢就唔當你係自己人

人人都有佢想要嘅嘢,有啲嘢總有空間包容,例如你想去A,佢想去B,有心嘅朋友總會搵出一個大家都舒服嘅方案。而假朋友係完全無彈性嘅,佢哋唔願意為大家去放棄個人小小嘅慾望或ego,佢哋一係會走人,一係就會提出一啲完全唔關事嘅嘢去搞破壞。

朋友特徵4: 當你同佢有唔同意見時,佢就唔睬你

朋友間有唔同想法係好合理嘅事,唔係要乜都同意先係朋友,如果你講咗啲嘢同佢諗法唔同,佢即刻疏遠你,證明佢唔係鍾意你,佢只係鍾意你同意佢。

朋友特徵5: 如果佢識咗啲人「有趣/有用」過你,佢會失蹤

假人最典型嘅行為之一,係會為咗其他佢認為更重要嘅人/事,而經常臨時取消同你嘅約,係,人哋有權選擇點用佢嘅時間,但問題係佢唔尊重你嘅時間同感受,呢啲人搵到「更好」嘅嘢,就會跳船,誠信對佢嚟講唔係咁重要。

朋友特徵6: 佢喺其他人面前會變樣

當有其他人喺度時,佢對你同平時私底下唔一樣!例如有啲重要人物喺度時,佢會忽然對你更熱情或保持距離,呢啲都表現出佢係一個機會主義者,你同其他人喺佢眼中,只係唔同性質、size嘅「機會」同「著數」。

朋友特徵7: 踩低人,抬高自己

如果一個人會講你壞話,或者好似好不經意、「唔覺意」、「無心」咁喺人哋面前貶低你,呢個人唔係好朋友,例如佢會用你做得唔好嚟抬高佢自己做得好好,呢啲反映出佢缺乏安全感之餘,亦好無義氣。如果真重視一個人,你會人前人後都讚佢,唔想佢哋被人睇低。

朋友特徵8: 佢哋從來唔會幫你達成你嘅目標

目標唔一定係咩出人頭地、搵大錢嘅事,可以係成功跑完半馬、早啲瞓、同男友相處好啲等等,真朋友即使幫唔到你啲咩,起碼唔會製造麻煩擾亂你,但假朋友就會打擊你、要你犠牲你嘅精力去分擔佢嘅問題。

CG! reminder:一個大話精,佢知道自己講緊大話,擺明呃你;一個虛偽假人,佢係連自己

LOAD MORE