情侶吵架傷感情？教你4招愈吵愈恩愛

情侶吵架在所難免，話晒係兩個唔同嘅人走埋一齊，要互相遷就磨合少不免會嘈幾句。正所謂「床頭打交床尾和」，嘈兩句轉頭咪無事。但係點解有啲情侶會愈嘈愈勁，嘈到面臨分手邊緣？小編今日就過大家4招，教大家點樣愈吵愈恩愛！

1.不要過分避免吵架

如果真係有問題就一定要講出嚟，並唔係話鼓勵嗌交，但如果過分避免吵架而唔將問題講出嚟，只會令問題惡化。與其收收埋埋，倒不如將所有嘢講晒出來，然後一齊諗下傾下點解決。

2. 不要翻舊帳

其實嗌交嘅最終目的都係為咗解決問題。但係一單還一單，嗌交最棹忌就係翻舊帳，如果要翻嘅話真係去到下年都未嗌完。千祈唔好撈埋幾樣嘢一齊講，要解決邊件事就著手於嗰件事。過去發生嘅不快事就由佢過去，每次一嗌交都提起嘴邊，你唔煩對方都煩啦。

 

3. 不要對親密的人殘酷

有無發現可以比你發最大脾氣都係最親密嘅人，對愈親近嘅人就係愈殘酷，然後就會不自不覺說出超傷人嘅說話。對方肯比你發脾氣同受你氣，都係因為佢愛你，但要記住其實無人有必要為你永遠留下。橡筋都會有斷嘅一日，請不要濫用愛你嘅人對你嘅好，如果你次次都衝口而出講啲超hurt嘅說話，又大發脾氣，難免有一日對方終會頂唔順然後離開。

 

4. 試試不要用「你」開頭

通常用「你」開頭嘅說話聽起來都好似批評同指控，好似「你唔關心我」「你可唔可以上心少少」。下次不如試下用「我」做開頭，好似「我會好傷心」或者「我希望你可以陪我多啲」。同一個意思換個講法，聽嗰個人會舒服啲，咁問題就會易解決啲啦！