日本神準「指甲性格測驗」！從指甲看你的個性

我們常說看星座知個性，但有沒有想過，原來只是小小的一片指甲，都可以從中看出你的潛在個性嗎？日本最近流行一種「指甲診斷」的性格測驗就非常流行，單憑指甲的不同形狀就可以看出不同性格，據說準確率非常高！

信不信由你，但一試無妨啊！快拿雙手出來看看你屬於哪一種吧！

1. 直長形指甲：溫和的理想主義者

擁有長直指甲嘅你右腦較為發達，好容易受到周圍環境影響心情或情緒，但就比較有創意，富豐富嘅想像力，可以多作創作嘅工作，會有好嘅成果。不過因為你份人夠簡單，所以較容易被騙喔。

2. 橫短指甲：性急的理論派

你的左腦較為發達，係典型嘅理性派，說話頭頭是道，對於名利你並不看重，係博愛主義者，但因為較為直率，而且欠缺耐性，有時可能沒有顧及別人感受，唔夠體貼喔。但內心嘅你，其實唔係想像中咁死板，你只係重視道理嘅爭辯啫！

3. 圓形指甲：和平主義者

你係樂天主義派，為人溫和，擅於交際之餘，更係朋友間嘅和平主義者，遇上爭吵時總會第一個站出來調停！你為人細膩敏感，思慮好多事情，事事都以別人為先，體諒別人。有你在嘅場合，氣氛大多和諧又愉快，但有時因為你嘅嘻嘻哈哈，他人或會覺得你態度唔太認真喔。

4. 蛋形指甲：我行我素的樂天派

你待人好講「心」，無機心，同朋友相處好融合，大家都好喜歡同你玩。但係你自尊心較強，當你認為個件事係岩嘅時候，你就會堅持到底，對於你喜歡嘅事，你更加係勇往直前，唔會理會其他人點講同點睇。

5. 方形指甲：頑固的認真者

你性格比較溫和，做事好認真，比其他人更有耐性同責任感，但當有人或事激起你嘅怒火時，你會一發不可收拾，好似變咗另一個人咁。又有時候因為你嘅堅持同固執，而傷害到身邊嘅人。

6. 三角形指甲：心思細膩的天才

你好細心，觀察亦好仔細入微，所以經常睇到或留意到別人唔發覺嘅細節，因為你個人比較敏感。但當你見到別人粗心大意、草率時，就會覺得好忟。

7. 逆三角形指甲：固執的天才

三角形指甲嘅都係天才啊，你嘅想像力好豐富，總係有好多天馬行空嘅想法，而且你嘅執行力都幾強，對於認定了嘅事情，點都會堅持落去。所以，你都有強迫症嘅傾向，喺工作上會較難與人相處，因為你好有想法同己見，好容易同人產生衝突。

8. 杏仁形指甲：善良忠實的急性子

擁有杏仁型指甲嘅你有著超強嘅想像力，為人善良忠實、待人誠懇有禮，但比較可惜嘅係，你較無耐性，做事好心急，好想喺最短嘅時間內完成所有事情，因而，當你遇到同你信念不夾嘅人時，就好容易暴怒啊！

9. 劍型指甲：上進的理想主義者

為人誠實講義氣，而且係一名坐言起行嘅理想主義者，當你確立目標後，就會朝著目標進發，毫不退縮，即使遇到困難都會努力實現，但有時因為想法獨特，同其他人合作時需要多點時間磨合。