feature

看《冰雪奇緣2》前你要知道的5件事!Elsa原來鍾意女仔?!

看《冰雪奇緣2》前你要知道的5件事!Elsa原來鍾意女仔?!

Elsa 同 Anna返嚟啦,《冰雪奇緣2》上映日期已經確定為今年11月26日!《冰雪奇緣》(Frozen)相信你就算無睇過,都一定會聽過首主題曲「Let It Go」,又或者一定認得粉藍色裙配白色長髮嘅Elsa公主!無論你有冇睇過《冰雪奇緣》,小編都決定為大家嚟個特訓班,話你知5件關於《冰雪奇緣》嘅小事!


1.「Olaf」名字超有意思

看《冰雪奇緣2》前你要知道的5件事!Elsa原來鍾意女仔?!

Olaf呢個雪人仔喺第一集《冰雪奇緣》已經大受觀眾歡迎,憑著天真樂觀性格,加上圓咕碌嘅笨拙身形成功突圍而出。但原來「Olaf」呢個名大有意思,「Olaf」讀起來同「Oh Love」發音相同,象徵著「願意為愛犧牲」。

 

看《冰雪奇緣2》前你要知道的5件事!Elsa原來鍾意女仔?!

Olaf從來無經歷過夏天,卻一直憧憬夏天。Olaf嘅人物靈感同設定原來係嚟自安徒生童話嘅《雪人》(The Snowman)篇章:雪人深深愛上火爐,但最後被火爐嘅熱力溶化,既淒美又浪漫。

 

2. Elsa鍾意女仔?

看《冰雪奇緣2》前你要知道的5件事!Elsa原來鍾意女仔?!

自《冰雪奇緣》第一集播出後,呢個話題已經受網民熱烈討論。由於Elsa出世時已經同其他人唔同,再加上喺電影入面佢多次強調自己並唔係一個「Good Girl」(乖女孩),令到網民猜測當中可能有隱語。

 

看《冰雪奇緣2》前你要知道的5件事!Elsa原來鍾意女仔?!

《冰雪奇緣》第二集預告片播出之後,更加令網民懷疑Elsa可能真係鍾意女仔。因為預告片出現新女性角色,網民就猜測呢位新捲髮女孩可能就係Elsa嘅感情對象。加上有消息指《冰雪奇緣2》請嚟雙性戀女星Evan Rachel Wood為電影配音,令網民更加相信Elsa同性戀呢件事係真!唔知《冰雪奇緣2》會唔會真係披露Elsa嘅性取向呢?

3. Elsa 原本係大反派

看《冰雪奇緣2》前你要知道的5件事!Elsa原來鍾意女仔?!

喺創作Elsa呢個角色嘅初期,Elsa擁有淺藍色嘅肌膚,加上又短又巖巉嘅頭髮。係經過多番改良加上「Let It Go」主題曲被創作後,製作團隊先決定將Elsa改頭換面,變成又靚又有氣質嘅Elsa公主。

4.《冰雪奇緣》故事構思長達 70 年

看《冰雪奇緣2》前你要知道的5件事!Elsa原來鍾意女仔?!

《冰雪奇緣》故事靈感源自1844年嘅安徒生童話《雪后》(The Snow Queen),迪士尼其實由1940年代開始就已經研究安徒生童話,但直到2010年先正式將童話改編成動畫,然後最終喺2013年推出《冰雪奇緣》。

 

5. 36秒場景需時5日

看《冰雪奇緣2》前你要知道的5件事!Elsa原來鍾意女仔?!

Elsa起城堡呢一幕相信每一個睇過《冰雪奇緣》嘅人都一定會記得。但你有冇諗過36秒場原來用咗5日先搞掂!創造呢一幕總共動用咗50人,而每一格分鏡需要用30小時完成!

 

LOAD MORE