feature

教你製造5個生活小驚喜❤️讓愛情天天都是熱戀期

教你製造5個生活小驚喜❤️讓愛情天天都是熱戀期

天天都像熱戀期不是夢?!情侶一旦踏入隱定期,熱戀嘅感覺就同青春一樣一去不返,因為當初二人嘅激情都漸漸變成習慣。咁究竟點先可以唔令甜蜜激情遞減,拍拖耐咗都仲可以維持天天熱戀期?當然得個「想」字係無用:想中六合彩都要先去買六合彩!感情都一樣,想重拾熱戀感覺就要俾啲心思!其實想天天都像熱戀期,最簡單嘅方法就係為對方製造生活小驚喜,仲唔快啲學好呢5個Surprise氹下另一半?

by COSMO

1.人肉早餐速遞

教你製造5個生活小驚喜❤️讓愛情天天都是熱戀期

生活小驚喜就由Good Morning做起!想要Good Morning又點少得一份好味又豐富嘅早餐呢?人肉早餐速遞淨係心思誠意都加哂分,其實早餐係咩都唔重要,重要嘅係可以喺返工前見另一半一面,食咩都甜到漏啦!想重拾熱戀感覺就由早餐做起(辛苦哂住偏遠地區嘅朋友仔!)

 

2.留意細節

教你製造5個生活小驚喜❤️讓愛情天天都是熱戀期

好多時窩心嘅舉動都係源自小細節加上你嘅細心:行馬路時會讓女朋友行入面、地鐵太擠逼會窂窂攬緊女朋友免得俾人碰到、提醒Period時唔可以飲凍嘢、對方凍會比褸佢著、知道對方唔食葱/洋蔥會幫手挑走......熱戀期會上心會做嘅嘢,到咗隱定期都唔可以偷懶!好多時女孩子覺得甜蜜窩心都並非收到禮物,而係你對佢嘅著緊和上心。

 

3.主動提出/安排約會

教你製造5個生活小驚喜❤️讓愛情天天都是熱戀期

男生們嘅通病:追到手之後就偷懶!明明追緊嘅時候又會plan拍拖做咩好,又會主動同你確定約會日期。到一齊耐咗,拍拖嘅內容就好像只剩下喺屋企hea,以前嘅主動心思創意都唔見晒。就連女朋友主動問:「放假去邊好?」可能只會換嚟一句:「是但啦!」唔係叫你次次放假都要出街又要主動諗行程,但久唔久為女朋友計劃一個甜蜜拍拖日都唔係好難姐!

 

4.小禮物

教你製造5個生活小驚喜❤️讓愛情天天都是熱戀期

講到生活小驚喜又點可以唔提小禮物,小禮物並非指名牌手袋或者名貴珠寶,可能只係細細一張DIY卡又或者係一袋女友超鍾意嘅零食就已經足夠令對方甜到入心。話明係小禮物,梗係要小啦!試問有邊個會唔鍾意收禮物㗎?

5.驚喜接送

教你製造5個生活小驚喜❤️讓愛情天天都是熱戀期

唔少女生都表示男生突然接放工其實係sweet爆!喺無通知對方情況下去接收工或者送佢返屋企,呢啲生活小情趣往往係最直接簡單,但又真係最work!

LOAD MORE