feature

想脫單就別相信「佛系戀愛」!戒掉5個「不」出Pool無難度!

想脫單就別相信「佛系戀愛」!戒掉5個「不」出Pool無難度!

「佛系」可以話係一種生活態度,係指採取隨遇而安兼懶洋洋嘅態度去面對所有事情,網絡上更加衍生出「佛系生活」、「佛系上班」,「佛系減肥法」等等,當然唔少得「佛系戀愛」。「佛系戀愛」係指什麼都不做,待緣份到了,就自然會拍拖了。

by COSMO

想脫單就別相信「佛系戀愛」!戒掉5個「不」出Pool無難度!

但係愛情呢家嘢又點會真係你乜都唔做,佢就自己嚟搵你呀。你想中六合彩,都要落街買,齋講齋等乜都唔做,緣份係唔會自動來敲門。想脫單就唔好再信「佛系戀愛」,女孩子採取主動,戒掉呢5個「不」,包你出Pool無難度!

 

1.不主動

想脫單就別相信「佛系戀愛」!戒掉5個「不」出Pool無難度!

如果你見到心儀對象,但什麼也不做其實唔會有任何事情發生,至少你都要俾啲暗示吧。你一直只會默默的喜歡一個人,如果(好彩的話)對方同樣喜歡你就會追求你,但如果唔係佢絕對唔會知你對佢有興趣。所以,女孩子們就主動點吧,幸福不會主動來敲門。

 

2.不傳信息

想脫單就別相信「佛系戀愛」!戒掉5個「不」出Pool無難度!

傳信息應該係最易培養出感情嘅方法,現今社會個個都「機不離手」,如果你每日都同一個人send message自不然會有感情投放或者會變成習慣。如果你係一個極度害羞嘅人,怕面對面見面會唔知講咩,咁傳信息就會係一個好好機會比你了解對方。又唔會尷尬,又唔使考你即時反應,更加可以傳送圖片、影片、sticker,gif等等去增添聊天趣味!

 

3.不參加社交運動

想脫單就別相信「佛系戀愛」!戒掉5個「不」出Pool無難度!

整天宅在家煲劇打機又點會出到pool?小編明白星期一至五返工好攰,所以周末想懶洋洋整天宅在家什麼也不做,但要明白愛情係真係唔會無啦啦出現,要出pool第一步都要識朋友,擴闊社交圈子。如果每個周末都要出街你覺得太疲累的話,咪試試閒日放工後約朋友食晚飯或者飲嘢chill下,話唔定會有意外收穫呢。

4.不約會

想脫單就別相信「佛系戀愛」!戒掉5個「不」出Pool無難度!

就算你超害羞都好,約會都係有必要,因為透過傳信息你唔可以知道對方究竟係真心定扮嘢。佢講到天花龍鳳都好,面對面就會見真章。透過面對面約會,你更加可以知道對方生活小習慣同人品,究竟佢體唔體貼,傾計時候又會唔會望住你等等......呢啲小動作從聊天室都係無法得知。

 

5.不經營感情

想脫單就別相信「佛系戀愛」!戒掉5個「不」出Pool無難度!

脫單成功之後都唔代表你可以返回「佛系」狀態,因為只要一日男未婚女未嫁,大家都有再選擇嘅權力。如果你太隨遇而安太hea去經營感情的話,難免有一天另一半會被超戰鬥格嘅女仔搶走,到時就喊都無謂!

 

LOAD MORE