feature

寶寶太幸福了吧!盤點娛樂圈4位帥氣星爸!

寶寶太幸福了吧!盤點娛樂圈4位帥氣星爸!

唔少兒時男神同偶像於近年都逐一榮升爸爸,實在不禁讓人慨嘆時間飛逝。雖然佢哋已經邁進人生另一階段,但帥氣同型格絕不遞減,反而仲愈嚟愈有魅力。加上見到佢哋愛心氾濫,實在令一班粉絲流晒口水!

by COSMO

1.陳冠希

同老婆秦舒培結婚然後生女兒Alaia之後,Edison一改火爆暴躁形象變成sweet爆爸爸。睇嚟囡囡係爸爸前世情人呢句一啲都無講錯。

喺Edison嘅社交平台都經常見到囡囡嘅蹤影,Alaia經常以潮爆同可愛形象示人,唔知大個之後會唔會同爸爸一樣咁有時尚觸覺呢?

2.余文樂

講起潮爸又點少得余文樂?自從囝囝Cody出世之後,六叔余文樂可以話係「有仔萬事足」,經常喺IG發佈囝囝嘅日常生活照。呢張同囝囝嘅出浴照簡直係父愛氾濫,除咗show到父愛之外,亮點當然仲有樂仔嘅肌肉同紋身啦!

雖然囝囝人仔細細,但已經一身潮童打扮,絕對有余文樂嘅影子,小編表示好期待囝囝大個之後同爸爸一齊影嘅父子OOTD呀!

3.陳柏宇

父愛氾濫除咗有Edison同樂仔之外,仲有新手爸爸陳柏宇!Jason嘅小公主Abigail於上年9月出世,Jason會定期於IG同粉絲分享湊女經,佢表示新手爸爸真係唔易做,仲話「自從Abigail出咗世,我每日都好努力學做一個100分嘅暖男爹哋!」唔知到囡囡大個之後睇返會唔會好感動呢?

睇嚟Abigail同Alaia同Cody一樣,應該走唔甩成為潮寶寶嘅行列。細細個就已經擁有Brick Bear公仔,一大一細Brick Bear加埋Abigail實在太可愛啦!

4.陳智燊

帥氣星爸仲有另一位Jason,陳智燊同老婆宋熙年加埋囝囝Damon一家三口幸福嘅生活實在羨煞旁人!Jason更加形容囝囝為”Definition of Happiness”,指囝囝係佢快樂嘅泉源,見到佢抱住囝囝呢個冧樣直頭感受到嗰種幸福嘅氣息!

LOAD MORE