feature

在愛情路上總是失敗收場?可能你還未領略這4個戀愛道理

在愛情路上總是失敗收場?可能你還未領略這4個戀愛道理

喺愛情路上總係失敗收場?喺一段關係入面永遠都係擔當住卑微嘅角色?又或者成日都問自己究竟應該點樣去愛一個人或者投入一段關係先啱?可能係因為你根本唔了解愛情呢個遊戲點玩,想邁進幸福?你一定要知呢4個戀愛道理!

by COSMO

1. 不斷努力未必會換來更愛

在愛情路上總是失敗收場?可能你還未領略這4個戀愛道理

愛情同考試唔同,並唔係你付出越多時間心機就會換嚟成果。好多女仔喺一段關係入面簡直係泥足深陷,無論個男仔對佢有幾衰,佢都繼續對佢好,百般遷就,盲目付出,希望有一日對方會被你嘅付出感動,然後好好對待你。但要明白喺一段感情入面唔係話你努力,你付出,你投入就會換到對方愛你,如果一個唔好彩你遇到渣男,佢更加會濫用你對佢嘅好,到最終受傷嘅都係得你自己。

2. 愛情是需要雙方經營

在愛情路上總是失敗收場?可能你還未領略這4個戀愛道理

愛情從來唔係單方面嘅付出經營,雙方係需要互動。如果你發現喺一段關係入面永遠都係得你努力經營,得你付出,得你單方面為對方著想,而對方一路都無動於衷,咩都「無所謂」、「是但啦」、「你鍾意啦」,呢段係一段唔健康嘅關係。就好似一個失均嘅天秤,好快會失衡崩塌。

3. 懂得愛自己才會吸引對的人

在愛情路上總是失敗收場?可能你還未領略這4個戀愛道理

曾經睇過一篇文,文題係「當一個你自己也會愛上的女生」,指出如果女生想吸引「對的人」首先要將自己調整到一個好嘅狀態、對自己有自信、做到連自己都會鍾意自己,咁樣其他人先會被你吸引到。反之,無生活重心無自信嘅人特別容易吸引「不對的人」,因為佢哋會知你一定會被食住同好易操控。所以,就算老土都要講句「要別人愛你先要學會好好愛自己!」

4. 如果愛你不會讓你難過

在愛情路上總是失敗收場?可能你還未領略這4個戀愛道理

真正愛你嘅人,唔會捨得讓你難過,因為佢在意你嘅感受。就算遇到困難問題、同佢嗌交、甚至佢向你發脾氣都好,最終佢都會諗辦法修補同解決問題。

 

LOAD MORE