editing

有愛有性,點解就係冇名份?

有愛有性,點解就係冇名份?

當年初初開始玩Facebook,好多朋友紛紛寫上一大堆資料,包括生日、讀書、工作地方、兄弟姊妹等等,唯獨寫到戀愛狀態一欄,大家先突然發現,做人都係唔好太誠實。Single嘅人當然會大大隻字寫住Single;in relationship嘅人一半會如實報導、一半會借啲意唔填,有少數就會側側膊填返Single。司馬昭之心,路人皆知。


有愛有性,點解就係冇名份?

如果冇記錯,我係之後先發現complicated同埋open relationship呢兩個選項。唔知係以前Facebook諗得唔夠周詳,定係後來嘅人類關係越來越複雜,以致出現咗好多新興嘅戀愛方式。細個嘅時候世界好簡單,拍拖就拍拖,單身就單身,冇乜灰色地帶。今時今日互聯網開始流行,好多以前唔會浮上水面嘅戀愛方式,漸漸成為日常生活嘅一部份。

有愛有性,點解就係冇名份?

Complicated究竟係一種點樣嘅關係?唔好問其他人,我相信就連當事人都講唔出答案。兩個人一齊Whatsapp、傾電話、食飯、睇戲,仲會Book房......一齊瞓晏覺;男同女互相關心,甚至會傾訴家庭等等私密話題、喺特別日子討好對方製作驚喜小禮物,做盡一切情侶間會做嘅事。只係當有人問到當中關係嘅時候,大家都係支吾以對,然後尷尬答返句:「普通朋友啫~」

 

有愛有性,點解就係冇名份?

作為局外人,大家自然會覺得,呢一種只不過就係SP嘅關係,但我又唔係咁睇。除非你哋每次做完愛,都係拍拍屁股,然後講聲拜拜就走人;如果你每次都會關心對方事後舒唔舒服、怕唔怕屋企人擔心夜返屋企,其實大家心裡面都有一份不能明言嘅愛意。性同愛未必一定係平衡,但終究難以完全分開。

 

有愛有性,點解就係冇名份?

點解有愛有性,但就係冇名份?除咗雙方都有家室/伴侶等等客觀因素之外,最大原因恐怕係源於呢種曖昧關係太吸引,若即若離但又充滿激情。無論男女,心底裡都渴望一種刺激嘅關係;一旦攤牌表示希望有進一步發展,你深怕對方只不過當自己係一位SP,更甚嘅係,一開口就可能失去呢一段關係。

 

有愛有性,點解就係冇名份?

另一個原因係,由於大家雙方都喺不明不白嘅情況之下,由陌路走到床上。你雖然嚮往呢一種刺激嘅交往方式,但你亦恐怕,他朝對方都有可能用同樣方式、同另一位對象暗暗開展新一段浪漫。無名份嘅關係有一種誘人力量,同時亦帶來不安;正所謂呃人首先要呃到自己,自欺欺人大概係愛情之中嘅最壞罪名。

 

LOAD MORE