震驚網友們!《旅行青蛙》真相,小青蛙原來不是你兒子

震驚網友們!《旅行青蛙》真相,小青蛙原來不是你兒子

日本手機遊戲《旅行青蛙》(旅かえる)人氣超高,就連多位明星都玩埋一份,大家都慈母上身,日等夜等,等阿仔喺出面玩完返屋企見下媽媽,正當大家都以為呢個係一個叫人陪多啲屋企人嘅遊戲,設計師就揭開令人崩潰嘅真相:「小青蛙唔係你兒子,而係你老公。」

by P

原來設計師嘅老公經常外出公幹,而小青蛙就好似佢老公咁,會買手信同影相返嚟俾太太睇。

四出旅行嘅小青蛙玩得好開心,又成日寄回postcard,而玩家卻係思念老公,不停付出嘅好太太,唔少網民知道真相後,都旋即變成「怨婦」,仲話好嬲個「老公」成日唔痴家。

《旅行青蛙》遊戲嘅日本設計師上村真裕子早前就喺訪問中表示,設計遊戲嘅主因是係因為自己好鍾意去旅行,但可惜成日都無時間去,所以就整個同旅行有關嘅遊戲。

而主角之所以係一隻青蛙,因為「青蛙」嘅日文發音同「歸家」一樣,而青蛙亦係保佑商販生意繁榮嘅吉祥物。

上村真裕子話,因為喺日本嘅家庭文化,老公因為工作關係成日都要出差,短則2日1夜,長則成個星期,每次返到屋企都會帶住當地嘅土產,或者影相俾太太睇,所以呢個遊戲一開始嘅設定,對本土日本人嚟講,唔係兒子,而係老公!

而遊戲仲有另一層意義,就係祈求親人早點平安歸來。

而明信片嘅風景目前僅包含日本10個地點左右喳,訪問中都有透露未來會繼續增加,但設計師故意唔喺明信片上寫地點,係因為希望玩家們可以透過明信片同埋土產去推測地點,令玩家們從此認識日本更加多。

唔少「蛙爸」、「蛙媽」知道後,都話要同隻青蛙「離婚」,大家都唔太接受到只有付出,而老公就喺出面風流快活嘅生活,有啲網友仲話:「有種睇住老公同小三去旅行嘅感覺」、「我就喺到賺錢供養佢,佢就掛住玩」、「感情被騙了」。

LOAD MORE