editing

世上最遙遠的距離:從曖昧到戀愛

世上最遙遠的距離:從曖昧到戀愛

好多男仔都會俾女仔批評,成日都同其他人曖曖昧昧但又唔表白,究竟係咪想收女兵?除咗某啲以Flirt人為樂嘅雄性生物之外,更多男仔害怕嘅其實係——食檸檬。
事實上,Flirty冇分性別,當曖昧發展到一定程度,但又好似未去到戀人階段,唔止女仔會開始產生懷疑,就連男仔都會自我審查:究竟佢係咪真係鐘意我?到底我其實會唔會係做緊兵?


世上最遙遠的距離:從曖昧到戀愛

相比起女仔,男人自尊心更強,相對就更膽怯更害怕失敗。喺愛情面前,我哋都需要有相當嘅勇氣先能夠突破愛情嘅關口。你哋又有冇遇過以下嘅難關呢?

世上最遙遠的距離:從曖昧到戀愛

1. 害怕被拒絕,想要進一步但又唔夠勇氣,唯有說服自己留於進可攻退可守嘅階段;
2. 其實自己都懷疑到底大家係咪相愛,唔敢下決定;
3. 大家可能處於尷尬關係,例如某一方可能認識對方嘅ex,令你哋要面對流言蜚語;
4. 如果太急於定義關係,反而可能會失去對方。你唔講,我扮唔知,停留於朋友嘅關係可能會比情人更長久。

世上最遙遠的距離:從曖昧到戀愛

曖昧好多時候都會悄悄地發生,反而係等到身邊朋友發現你哋有異於常人嘅互動,自己先會後知後覺。重新回想起來,原來自己已經暗暗地喜歡咗對方。如果你仲未知道自己有冇曖昧,不如睇下以下嘅例子啦!

世上最遙遠的距離:從曖昧到戀愛

1. 成日都借啲意搵對方幫忙,提高大家嘅關係、存在感,仲會作啲理由畀大家互欠人情,咁就可以持續幫忙啦!
2. 每日都要聯絡,就連係深夜都唔放過。試諗下,正常一個人好好地點會半夜send嘢畀同事?除非係單身嘅工作狂女上司,否則一定有陰謀!
3. 如果屋企發生特別事情,都會第一時間通知對方,那怕其實佢對事情冇幫助。
4. 如果對方同其他異性互動,會不自覺呷醋、咬牙切齒!
5. 兩人對話間有其他人唔明嘅秘密或暗號,大家都視對方為首席樹窿。
6. 就算身邊有其他人,都會無意中有親䁥肢體動作,例如摸頭、搭膞頭、吱肚腩等等。
7. 特別嘅日子,想同對方一齊度過,即使見一眼都開心。

世上最遙遠的距離:從曖昧到戀愛

以上種種曖昧例子,其實都只係冰山一角。由曖昧到戀人,可能只係相差一個表白距離,但如果錯失時機,呢個亦可能係世上最遙遠嘅距離!大家記得把握機會,唔好因為一時羞於啟齒而錯失幸福呀!

LOAD MORE