感情曲折!鍾欣潼阿嬌:「佢接受晒我嘅缺點」

感情曲折!鍾欣潼阿嬌:「佢接受晒我嘅缺點」

剛踏入37歲嘅阿嬌,突出喺ig上載鑽石戒指相,仲留言:「下一站幸福」,宣布同32歲台灣男友賴弘國訂婚,消息一出可謂震驚所有粉絲,大家都留言祝福阿嬌,因為佢嘅感情路一路走來都唔簡單。

by anna

零死角阿嬌,樣靚又甜美,當然引嚟唔少狂風浪蝶,不過阿嬌就曾經講過,不雅照事件後,有啲男追求者表明會介意佢嘅過去,介意其他人都睇過佢嘅身體,好彩而家有個超疼錫阿嬌嘅男生出現,令阿嬌再次投入愛情中。

去年阿嬌喺台灣拍攝偶像劇《動物系戀人啊》,經朋友介紹下,認識頼弘國,而當時頼弘國對阿嬌一見鍾情,並展開熱烈嘅追求,10月初發聲明公開戀情,希望得到大家嘅祝福,而當時佢哋就已經拍拖1個多月。

佢哋一齊去玩,好夾!

年約32歲嘅賴弘國同阿嬌姐弟戀,賴弘國係婦產科醫生,而家喺女星陳怡蓉老公薛博仁開設嘅醫學美容診所工作,曾經喺16年結婚,不過只維持半年就宣布離婚。

阿嬌同頼弘國拍拖未夠一年就閃婚,阿嬌就話:「佢對我好好,係對嘅時間遇到對嘅人。」

「最感動係佢肯包容我所有壞習慣,我將所有壞嘅野show俾佢睇,我就同佢講,你接受到就接受喇,咁佢又照單全收喎。」而阿嬌到補充有何壞習慣:「懶囉,懶得好緊要,佢又肯幫我做晒所有嘢。」睇見阿嬌搵到個咁錫佢嘅人,真係好替佢開心啊!

原來要數阿嬌嘅男友,對上一個係2013年宣布嘅K先生。當時佢哋愛得火熱,阿嬌仲曾以女朋友嘅身份,出席電影首映禮,可惜佢哋聚少離多,拍拖唔夠一年就分手。

後來K先生之後仲同少女時代嘅Jessica拍拖。

而賴弘國嘅前妻,係華航林依晨趙筱葳(Ivy),知道前夫訂婚,佢仲喺社交網站發表感受:「幸福會循環,悲傷也會循環,當我們想要自己愛的人快樂平安幸福時,就要在幸福的循環中盡一點心力。」,唔知係咪同阿嬌講呢?!

LOAD MORE