鐘欣潼阿嬌首部偶像劇《動物系戀人啊》被網民話:殘咗好多

鐘欣潼阿嬌首部偶像劇《動物系戀人啊》被網民話:殘咗好多

今年37歲嘅阿嬌鐘欣潼向來都被網民稱讚為零死角女神,點睇都咁靚架,而最近阿嬌嘅首部偶像劇《動物系戀人啊》,就釋出預告片,拍住賀軍翔出演,未播出已經好多noice,眼厲嘅網民仲覺得阿嬌殘咗好多。

by Anna

阿嬌就係因為拍攝呢套劇集而停留台灣,並認識咗未婚夫賴弘國,當時賴弘國仲不時甜蜜探班而令戀情曝光,唔知係咪因爲熱戀中,夜晚要同男朋友傾計,所以個人特別疲累呢?

37歲嘅阿嬌依然咁靚,不過今次喺鏡頭下好似有點顯老,被眼厲嘅網民發現皺紋出晒嚟,又冇咩氣色。

拍攝時已有消息指阿嬌頻頻忘記對白,令大家不停NG,原來係因為阿嬌拍此劇時咁岩撞正海外演唱會巡迴,佢開完演唱會一返台灣後,就立即落機返劇組繼續拍攝,基本上係廿幾小時無得瞓,所以好疲倦。

阿嬌嘅樣展露出疲態都係正常嘅,原來佢仲因爲自責,覺得自己影響拍攝進度,而喊咗出嚟。

劇集係以動物去比喻一個人,講述阿嬌飾演嘅乖乖女楚之河在同賀軍翔飾演嘅成熟穩重王大樹相戀嘅成長故事,描述都市女性喺唔同狀態之下,有唔同嘅反應,就好似動物咁。

阿嬌就代表松鼠﹑賀軍翔就代表長頸鹿﹑隋棠代表豹﹑張睿家代表狼。

預告片一出街,阿嬌即刻成為焦點,網民又mean精上身:「皺紋好明顯」、「老咗好多啊」、「好殘啊」、「個妝好厚喎」。

其實阿嬌37歲喇,有疲態都正常嘅,總好過膠面啊。

佢同賀軍翔嘅甜蜜互動反而令人好想睇套劇。而賀軍翔更可以話係TWINS嘅御用男朋友,因為好姊妹阿SA2010年嘅時候就同賀軍翔合作拍呼叫大明星》。

動物系戀人啊》就快播出喇,大家等多陣就有得睇喇!

LOAD MORE