feature

好人≠好人緣!這3種「好人」反會令人討厭!

好人≠好人緣!這3種「好人」反會令人討厭!

由細到大都成日聽到人話「對人好啲,人哋會對你好啲!」聽起來做一個「好人」似乎有利無害,好似都比較容易獲得別人歡心!話雖如此,但長大後我哋都深深明白到好人≠好人緣,有時太好人反而會令人覺得討厭,究竟有邊類「好人」特別唔受人歡迎?

by COSMO

1. 1.過份積極正面

好人≠好人緣!這3種「好人」反會令人討厭!

過份積極正面嘅人好似無任何煩惱擔憂,仲會經常散發正能量,口頭禪通常都係「笑下啦!」、「無事嘅!」、「輕鬆啦!」,「唔好唔開心啦!」等等。但其實每個人都有自己嘅性格、情緒,或者經歷,你根本無可能用自己嗰種超級積極正面態度回應所有人嘅問題,況且更加唔係每個問題都會「無事」有或者有解決方法。

 

好人≠好人緣!這3種「好人」反會令人討厭!

試想像你黑仔到一個點,又病又俾人鬧又唔見嘢,然後有個人同你講「笑下啦!無事嘅!」真係想叫佢講少句當幫幫忙,唔單止無補於事,更加會覺得佢寸緊自己。

 

2.所有事情都「無所謂」

好人≠好人緣!這3種「好人」反會令人討厭!

呢種「好人」總係咩都「無所謂」,為咗避免爭執衝突,往往選擇退讓沉默。就算你睇得出佢十萬個唔情願同不快,佢都唔會講出自己真實嘅意見,就只會拋下一句「無所謂」!遇上呢種人,從來唔可以解決問題,因為佢哋只會逃避同退讓。美其名係脾氣好順人意,事實上係缺乏同人溝通嘅能力 。

3.世界仔/世界女

好人≠好人緣!這3種「好人」反會令人討厭!

世界仔好識人情世故,可以話面面俱圓,識睇人眉頭眼額做人,擦鞋奉承讚美樣樣做齊就係為咗取悅你。世界仔最大嘅問題就係佢對個個都好好,令成件事變得極級虛偽。就算佢幾討厭一個人都唔會講出口,好容易會做咗討人厭嘅「雙面人」。

LOAD MORE