佛系蛋黃哥登場！旺角朗豪坊限定蛋黃哥布置

香港人生活壓力大，最近人人都想成為佛系打工仔，而蛋黃哥亦有見大家生活咁忙又大壓力，今個夏天就現身旺角朗豪坊，同大家減減壓，兼打打氣，仲傳授放鬆身心嘅秘訣俾大家，希望粉絲們都可以開開心心！

由5月18日至6月8日，Gudetama蛋黃哥就化身成為梳乎大師，喺朗豪坊設置多個景點俾大「參拜」佢，見完咁可愛嘅蛋黃哥，相信大家都會無晒壓力！

1. 梳乎禪修室

大家有幾耐無安靜一下自己呢？呢個梳乎禪修室就鼓勵大家靜心放空，思考一下心靈嘅問題。

2. 梳乎良藥

粉絲只要到朗豪坊facebook嘅「梳乎良藥」診症室開啟Chat Box，用錄音功能講出《梳乎心法》測試學習梳乎之道嘅天分後，就可以就事業、學業、人際、愛情或健康問題，向梳乎大師問診，並獲得「梳乎藥方」一條。

取得線上藥方嘅粉絲們，可到朗豪坊4樓通天廣場嘅「梳乎良藥」，向「醫師梳乎蛋」領取最多兩張實體藥方，每人限領一次。

3. 梳乎藏經閣

蛋黃哥粉絲一定知道，蛋黃哥真係有好多金句，大家鍾意邊句都可以記低！

4. 梳乎寺大殿

滿頭三文魚籽嘅蛋黃哥，真係好型仔，記得一定要同「大師」影相！