feature

編輯實試牛扒!試食5大牛扒餐廳

編輯實試牛扒!試食5大牛扒餐廳

「你班食肉獸呀」,係呀!香港人真係無肉不歡嘅食肉獸嚟,而且仲特別鍾意食牛。之前就同大家評過 城中5大Burger,今次就真係齋講塊肉,講下牛扒!香港好多steakhouse,間間都講到自己嘅來貨好威威咁,來貨係好重要嘅,但煮法等等都好重要架嘛!如果你好鍾意食steak,就參考下以下5間嘅點評,再睇下揀邊間去食喇!

by 流心油

親試牛扒:Morton’s The Steakhouse

牛扒,編輯試食,steakhouse,美食推介,牛扒推介,牛扒餐廳

最後梗係要講下the best of the best!當你要認認真真食一次頂級牛扒,Morton’s係絕對唔會令人失望!喺Morton’s你可以食到不同部份、不同級別嘅靚牛,選擇好多,不論係fillet、T bone等等,都牛味濃郁、烤得恰度好處,而且色澤均勻,個粉紅真係好完美!

牛扒,編輯試食,steakhouse,美食推介,牛扒推介,牛扒餐廳

Morton’s不時會推出期間限定靚牛,之前嘅乾式熟成帶骨西冷牛扒(Dry-Aged USDA Prime New York Strip 18oz)真係令小編念念不忘,而近排佢哋慶祝開業40周年,推出海陸大餐免翁牛柳配龍蝦奥斯卡(Filet & Lobster Oscar),原隻波士頓龍蝦肉加8安士的牛柳,配合傳統蛋黃牛油汁,牛夠嫩、龍蝦夠鮮,真係好味到要尖叫!

牛扒,編輯試食,steakhouse,美食推介,牛扒推介,牛扒餐廳

Morton’s係慶祝生日、周年紀念日等大日子嘅好地方,不過難得去到梗係會想食多啲嘢,加上Morton’s除咗牛扒係必食之後,Bacon Steak同甜品都一樣好味都尖叫,加上美式餐廳嘅份量通常都好驚人,二人份四基本上係夠四人食嗰種,所以想試多啲嘢,最好叫多幾個朋友一齊去!

推介度:★ ★ ★★ ★(5星為最高)

親試牛扒:Porterhouse

牛扒,編輯試食,steakhouse,美食推介,牛扒推介,牛扒餐廳

睇個名就知,Porterhouse就係滿足想食最上等腰肉牛扒(Porterhouse)嘅牛魔王,咁當然要食其他部位都一樣有,佢哋亦都脂肪含量較低嘅草飼牛。小編去過兩次,意大利得獎牛、澳洲黑安格斯牛、蘇格蘭牛都食過,話唔好食又唔算,但話超好味又稱唔上,肉質夠嫩嘅,牛味都算濃,最鍾意係個陣煙燻香味,表面嘅焦簡直係精華嚟,不過就略嫌乾咗少少,口感一般。

推介度:★★★ (5星為最高)

親試牛扒:Lily and Bloom

牛扒,編輯試食,steakhouse,美食推介,牛扒推介,牛扒餐廳

Lily and Bloom裝潢靚,有種復古嘅感覺,而依餐廳絕對唔係得個樣,上次讚到到佢個burger天上有地下無,今次又要勁讚佢嘅steak!之前餐廳推出南、北美牛戰,美國熟成牛扒vs阿根廷斧頭牛扒、烏拉圭和牛,佢哋嘅牛扒烤得啱啱好,三至五成熟嘅粉紅色,望到都開心,加上牛味濃郁,肉軟又緊密,加上唔會太over。

牛扒,編輯試食,steakhouse,美食推介,牛扒推介,牛扒餐廳

油脂,質感好好。小編係會投北美牛一票嘅,不過口味嘅真係好個人,不過老實講小編對於餐廳行政總廚Chris Grare真係好有信心,因為有佢Lily and Bloom真係全部嘢都好好味。

推介度:★★★★★ (5星為最高)

親試牛扒:Gough’s on Gough

牛扒,編輯試食,steakhouse,美食推介,牛扒推介,牛扒餐廳,Gough’s on Gough

Gough’s On Gough主打英式傳統美食,環境優雅,啱晒港女打卡影相,不過除咗打卡,食物質素都好重要。佢嘅甜品、Cocktail、烤雞、海鮮都好味,不過上次食佢嘅Belted Galloway肉眼扒,牛味唔出兼乾到不得了,話佢中等都稱唔上,反而佢 Beef Wellington就出奇地好味喎!

牛扒,編輯試食,steakhouse,美食推介,牛扒推介,牛扒餐廳,Gough’s on Gough

所以,淨係講塊牛扒,真係唔會推介畀大家,但撇除牛扒其實依間廳真係唔差!

推介度:★★(5星為最高)

親試牛扒:La Vache

La Vache

獨沽一味只賣一款牛扒──USDA Prime肉眼扒,只需要揀牛扒嘅生熟程度,以海鹽同胡椒簡單調味,烤至兩面都有微微嘅焦香,肉質嫩而且非常多汁,味道係好味嘅,不過就嫌筋太多,有啲難咬,不過咁嘅價錢加上依個質素,其實性價比好高,想同friend子食好西又想唔顧儀態,大聲講嘢,La Vache係一個好好嘅選擇!不過食唔停口嘅唔係個牛扒,而係任食嘅薯條呀,炸到外脆內軟,好好味呀真係!

推介度:★★★★ (5星為最高)

LOAD MORE