feature

飲水呼吸都肥?教你針對不同身形嘅減肥方法!

飲水呼吸都肥?教你針對不同身形嘅減肥方法!

相信唔少女仔新一年嘅目標都係「減肥成功!」,小編都明白「減肥」呢個目標大概係每一年嘅目標(因為小編都係咁......)「減肥」談何容易啊,但要實踐真係舉步維艱!講起「減肥」,好多女仔都會選擇節食同猛做運動,但如果不適當咁節食同做運動可能有機會弄巧反拙,加上身形唔同要採取嘅減肥方式都會唔同。有見及此,小編就決定為大家介紹針對不同身形嘅減肥方式!

by COSMO

1. 啤梨身形

飲水呼吸都肥?教你針對不同身形嘅減肥方法!

啤梨身形係指上身纖細,但係下身(屁股、大髀、小腿)比較有肉嘅女仔,望落去就好似一個啤梨咁。通常喺上班族身上比較常見,因為長時間坐而導致臀部同大髀積聚頑固嘅脂肪。

 

減肥小貼士:

飲水呼吸都肥?教你針對不同身形嘅減肥方法!

啤梨身形嘅女孩子應多做核心同帶氧運動,例如跳繩、跑步機、游水、深蹲等都有效打擊下身脂肪;但係應該避免樓梯機、單車機等大阻力運動,因為有機會令下身更粗壯。喺飲食方面,啤梨身形嘅女仔可以選擇高纖低脂嘅食物,好似全麥食品、豆類、雞肉、水果同蔬菜都係唔錯嘅選擇!

2.蘋果身形

飲水呼吸都肥?教你針對不同身形嘅減肥方法!

蘋果身形係指中央肥胖,通常會有肚腩,然後手臂、腹部、背部都比較圓潤,有一種上重下輕嘅感覺。蘋果身形嘅你其實唔需要灰心,因為呢種身形相對嚟講係比較容易減肥!

 

減肥小貼士:

飲水呼吸都肥?教你針對不同身形嘅減肥方法!

蘋果身形嘅女孩子可以多做全身性帶氧運動,好似游水、體操、跑步等,記住唔好浪費時間去練腹肌,因為蘋果身形著重四肢訓練會好啲!飲食上,蘋果身形要控制碳水化合物嘅攝取量,應該多食高纖同不飽和脂肪酸嘅食物,好似堅果、橄欖油等,可以有效打擊內臟脂肪,同中央肥胖講byebye。

 

3.香蕉身形

飲水呼吸都肥?教你針對不同身形嘅減肥方法!

香蕉身形嘅女仔即係直筒身嘅女仔,佢哋其實唔係肥,只係缺少線條同肌肉。好多時因為缺少腰線,所以整體望落身形曲線會唔明顯。

 

減肥小貼士:

飲水呼吸都肥?教你針對不同身形嘅減肥方法!

香蕉身形嘅女仔要多鍛煉全身肌肉,所以跑步同游水呢啲運動都會好適合。另外如果想線條明顯啲,要記住做四肢同腹部嘅運動,好似平板支撐或者sit-up。飲食方面可以多攝取「好嘅油脂」,例如橄欖油、堅果等。除此之外,記住多攝取蛋白質,所以魚類同白肉等食物都好重要!

LOAD MORE