是你的損失!分手後讓前男友後悔莫及的4個方法

是你的損失!分手後讓前男友後悔莫及的4個方法

分手並唔係世界末日,電影都話「仔死仔還在,下個更可愛!」又何必為咗一棵樹而垂頭喪氣、自怨自艾、甚至一竹篙打一船人認為所有男人都係衰人呢?平心而論,無論你係被甩或甩人,感情出現問題同裂縫雙方都有責任,就算條件再好嘅人都有被甩嘅機會。分手姐,唔洗灰心喎,一於嚟一場令前男友後悔莫及嘅大報復


令前男友最後悔不已嘅事情,莫過於令佢意識到同你分手係佢嘅損失,而呢個損失係幾咁龐大。但係要點先做到?今日等小編教你幾個方法等你可以俾啲顏色佢睇!

1. 變得更漂亮自信

是你的損失!分手後讓前男友後悔莫及的4個方法

女孩子啊,千萬唔好比自己一路頹落去!曾經見過一啲女仔喺被甩之後就開始自暴自棄:放棄打扮,暴飲暴食,一蹶不振,但你要明白你咁樣做其實係改變唔到啲咩,掉返轉係傷害咗你自己,喺自己都唔愛自己嘅時候,其他人又點會愛上你?

相反,你要令自己變好,話俾前度聽唔要你係佢嘅損失!講真就算唔係要比佢睇,將自己打扮得漂亮,除咗自己會開心之外,自信仲返埋黎。就喺社交網絡上面發多啲你活得漂亮自信嘅相啦!令佢知道,就算無咗佢你嘅生活都可以活得好好,甚至活得比以前好!

2. 千萬不要徹底封鎖對方

是你的損失!分手後讓前男友後悔莫及的4個方法

你要點比佢睇到你活得比以前好?比以前美?甚至比以前開心呢?最簡單嘅方法就係透過社交平台!但係如果你將佢所有嘢都block哂,佢又點會睇到你嘅動態呢?咪當係留返一條線比自己,繼續比佢追蹤你嘅社交平台,你又無咩損失嘅。更加可以久唔久發啲同其他異性影嘅合照,令前度知道你嘅生活無咗佢都可以好精彩!

 

3. 集中眼前的事情

是你的損失!分手後讓前男友後悔莫及的4個方法

依家無咗愛情令你分神,你就可以將專注力集中喺眼前嘅事情,例如工作、親情友情、或者消遣娛樂,然後將佢哋做到最好。呢種集中同忙碌,一方面可以令你唔好再亂諗嘢,另一方面可能令你有意想唔到嘅收穫。試諗下當你將100%嘅精力放落工作度,絕對有升職加薪嘅機會!

男人會背叛你,但係工作唔會,今日你嘅努力投入,最終都一定會回報返喺你身上。

 

4. 和其他男生交往

是你的損失!分手後讓前男友後悔莫及的4個方法

對於大部分男人嚟講,最令佢哋後悔嘅其實係見到前女友搵到一個比自己好嘅男朋友。因為大部份男人自尊心都好重,雖然唔想比較,但其實心入面某位置都會覺得係有輸贏,而見到前女友同一個比自己好嘅男生交往時,即係代表自己輸咗,有種心有不甘嘅感覺。

是你的損失!分手後讓前男友後悔莫及的4個方法

其實搵一個更好嘅男朋友當然唔係為咗令前度後悔,喺為咗自己,因為每個女仔都值得找到一個疼愛佢嘅人,同一段令佢開心嘅愛情。做人又何必咁執著呢,過咗去咪由佢過去,你有你嘅生活,我繼續我嘅忙碌,變成一個對方曾經熟悉嘅陌生人。

 

LOAD MORE