editing

究竟係喜歡定愛?「我喜歡你」並唔等於「我愛你」

究竟係喜歡定愛?「我喜歡你」並唔等於「我愛你」

JC陳詠桐的《說散就散》相信唔少人都聽過,平時行街喺商場成日聽到,但你有冇曾幾何時細心留意過歌詞:

「說不上愛別說謊,就一點喜歡;說不上恨別糾纏 ,別裝作感嘆。」

 

副歌嘅第一句好特別,平時我哋鐘意一個人,會講「我愛你」、「我喜歡你」;而事實上,愛同喜歡嘅等級可以差好遠。到底點先為之喜歡一個人,點先為之愛上一個人?


究竟係喜歡定愛?「我喜歡你」並唔等於「我愛你」

簡單要分辨的話,就係「喜歡」係唔需要負責任嘅。之前講過,男人成日覺得世界上冇純友誼,某程度都係因為男人可以同時喜歡上好多女人,無他,得閒J下又唔洗負責嘅!只要符合身高、樣貌要求,基本上都可以話自己喜歡一個人。

但如果你愛一個人,成個tone就即刻唔同咗喇!成日都話,愛唔可以得把口講,要做出嚟㗎嘛!所以講得上「愛一個人」,就算有冇名份都好,其實心態上都會漸漸轉變:想為對方付出、想為對方解決問題、想承擔一啲本身唔屬於自己嘅責任。

 

究竟係喜歡定愛?「我喜歡你」並唔等於「我愛你」

若然係純粹嘅「一點喜歡」,可能只係會留意佢嘅美好,未必會顧及佢身邊嘅每一個細節。而如果你愛上嘅對象生病、受傷,即使可能只係割傷手指,你都會不經意開始為佢擔心。平時自己割傷手,可能輕輕鬆鬆貼返膠布、一笑置之;見到佢割傷手,會怕佢傷口洗得唔乾淨、細菌感染、發炎......

 

究竟係喜歡定愛?「我喜歡你」並唔等於「我愛你」

好多感情開始萌芽嘅時候,我哋都會質疑自己:「到底我算唔算鐘意咗佢?」

因為唔確定自己有幾鐘意對方,所以任由關係慢慢丟淡,繼而流逝。假如以上嘅方法,都幫唔到你分辨自己有冇愛上一個人,其實有個更絕嘅辦法:就係幫自己創作一個情敵。

 

究竟係喜歡定愛?「我喜歡你」並唔等於「我愛你」

當你下次猶豫嘅時候,嘗試幻想一下,如果對方身邊出現咗另一個異性,自己會唔會呷醋、會唔會心痛?如果你已經得知自己將會有幾難受,你大概都估到自己鐘意對方;如果你唔止呷醋,而係feel到個心乸住乸住痛、覺得自己唔可以冇咗佢,恭喜你!你已經跌咗入愛情陷阱!

有一日,當你遇見一個覺得不能失去嘅人嘅時候,記得好好捉實佢。假如當佢真係俾人拖走咗,你先發現自己心痛,咁就太遲喇!

 

LOAD MORE