feature

有一種美叫缺陷美!自信女生同你演繹不完美也能活得精彩

有一種美叫缺陷美!自信女生同你演繹不完美也能活得精彩

一個女仔究竟點先算「靚」?坊間對「靚」嘅定義好似係愈瘦愈靚,要有小蠻腰、大長腿、九頭身、間尺鼻先稱得上靚。呢種「靚」 嘅定義對好多女仔嚟講都成為咗一種無形嘅壓力,就算已經好瘦,減肥計劃都係沒完沒了。但又係咪一定要有以上所講嘅條件先叫「靚」?呢5個女仔就演繹咗就算身體唔完美,甚至有缺憾,都一樣可以好靚同活得好精采!


Barbie Ferreira

Barbie同一般嘅模特兒一樣都有一張美麗嘅臉蛋,唔同嘅係佢並無高挑纖瘦嘅身形。

雖然佢嘅身形係屬於肥胖,有「麒麟臂」「士啤肽」同「象腿」,但佢並冇對自己嘅身形自卑,佢深信就算「肉肉」嘅身形都可以好靚。

Barbie從來唔會因為肥胖而遮掩自己嘅身形,佢更加將自己嘅資料同相send咗比著名美國服飾品牌American Apparel。而品牌亦到睇中咗佢呢股自信美所以揀咗佢做模特兒。自此之後,Barbie就開始喺模特兒界冒起,成為「大碼模特兒」界嘅新寵,好多國際牌子同時裝雜誌都陸續同佢合作!

Hailey Wait

Hailey係一位藝術家兼攝影師,可能係因為藝術細胞超強嘅關係,佢IG嘅相都係美美噠!唔單止有美麗嘅面孔,更加有完美無瑕嘅肌膚。

但原來一切都係幻象,因為Hailey曾經患有一種嚴重嘅皮膚病,所以令到佢滿面都係紅色斑點同暗瘡,一路以來佢都係用化妝遮瑕去遮掩佢滿面紅點嘅皮膚。

直至上年年底Hailey決定公開自己嘅真面目並喺IG上載咗幾張素顏相,勇敢面對自己。佢勇敢公開自己嘅真面目更獲得網友支持同大讚!

Winnie Harlow

原名Chantelle Brown-Young嘅Winnie,4歲開始患上白蝕,身上面出現一塊塊白色嘅斑點。細個嘅時候甚至被人改花名叫「斑馬」同「乳牛」。

但係流言蜚語並無阻Winnie追夢,佢係2014年參加咗美國模特兒真人騷《America’s Next Top Model》並獲得第六。而真人騷之後Winnie亦成功進入咗模特兒界成為咗國際名模!

佢唔完美嘅肌膚反而成為咗一樣佢獨有嘅特徵,令佢喺時裝界打響名堂,相繼同唔同嘅國際著名時裝品牌合作!

LOAD MORE