feature

愛上一個只愛自己的人,比死更難受!

愛上一個只愛自己的人,比死更難受!

愛上一個只愛自己的人比死更難受。一段感情係需要雙方投入,付出努力去經營,付出時間去維繫,付出心思去打理先會細水長流。話雖如此,但由於每個人對「付出」一詞都有唔同嘅標準,情侶二人嘅付出往往不能相提並論,一定會有一個付出多啲,另一個相對地付出少啲。但有一種人,佢付出少同時希望你付出全部,呢種人,我稱佢哋為「只愛自己的人」。


要呢類「只愛自己的人」開展一段感情其實頗難,因為要佢淨係因為「愛」一個字而對一個人無條件付出心機時間,但同時不求回報實在太無利可圖。奇怪嘅係你會發現呢類人好多時都並非「單身一族」,究竟係咩驅使佢哋放棄單身?答案係因為一種「人有我有」嘅心態。呢種人對事對人自私,都係為咗想自己獲得最好,時常抱著一種「唔想蝕」嘅師奶心態。所以當身邊嘅朋友都逐一脫離單身,佢哋都會「唔輸蝕」咁搵返個女朋友。愛上一個這樣的人,係一種不幸,因為他選你從來不是因為「愛」。

愛上一個只愛自己的人

作為佢嘅女朋友,你大概係有名無份吧,只係恰好填補咗「女朋友」嗰個空檔。你呢個「女朋友」一開頭或者會有新鮮感,在於你係一個新人物角色,佢可能會願意花一點時間陪你了解你。但新鮮感過後,自私嘅性格會漸漸浮現,最終原形畢露。懵然不知嘅你依然停留於粉紅色嘅戀愛泡泡入面,以為自己終於找到了Mr. Right。在他打回原形嘅同時,你無窮無盡地對佢好,只希望做一個100分女朋友。因為,你並唔知道佢由始至終愛嘅都只得自己。

愛上一個只愛自己的人

你又點會估到原來你對佢嘅百般遷就只會令佢「只愛自己」嘅性格變本加厲?喺你嘅角度,喜歡一個人會想見佢多啲,所以對於每次見面嘅時間都會珍而重之;但對佢而言,因為你無條件嘅等待,所以同你見面約會呢個選擇往往都放到最後。漸漸地,數日一次嘅約會變成一星期一次、兩星期見一次、甚至一個月...都沒有一次。拍拖初期嘅甜言蜜語都變成無情嘅文字,由「BB早晨」變成「早」、甚至中午先傳來嘅一句「在忙」;聊天室嘅對話亦由長期置頂變成越沉越底...

愛上一個只愛自己的人

你或者會希望終有一天你嘅不斷付出會令佢改變,但要知本性難移,你對他嘅好,他只會視為理所當然。與其繼續等一個「只愛自己的人」,倒不如抽身找個真正疼愛你的人。

LOAD MORE