editing

關於愛情:偷食無罪出軌有理?

關於愛情:偷食無罪出軌有理?

香港當代偉大嘅哲學家黃子華先生曾經講過:「男人喺愛情上係要求新鮮,女人對愛情最大要求就係保鮮。」Anyway,計我話所謂嘅保鮮,其實都係想保持新鮮咁解。所以一段感情裡面,無論對男人定女人嚟講,新鮮感都係咁重要。(唔係Challenge子華神,只係想加以Develop。利申:Fan屎)


關於愛情:偷食無罪出軌有理?

感情一旦放得耐咗,對得耐咗就會開始悶;就好似食物一樣,即使品質仲未變壞、味道都係咁香,你都會慢慢覺得佢淡而無味。就好似同一碟楊州炒飯食咗20年,即使間中加啲叉燒、落多啲香蔥,甚至連芝士粉都落埋,種種變化對你嚟講已經唔再吸引。因為變質嘅唔係食物,而係你個心。

關於愛情:偷食無罪出軌有理?

久而久之,好多情侶表面上拍咗好多年拖、喺他人眼中關係超穩定,心中都可能會暗暗產生出軌嘅想法。就我平時觀察所得,愈打算出軌嘅人,佢哋嘅伴侶愈係對沉悶關係習以為常。總之逢星期五晚食飯,逢星期日食lunch然後睇戲,其餘時間whatsapp兩句就算。就連正常嘅交流都懶得用腦,自然更難洞悉伴侶有出軌嘅念頭。

 

關於愛情:偷食無罪出軌有理?

如果一個人開始想出軌,但伴侶又不予關心,甚至完全冇顯示出任何珍惜嘅表現,變相即係加速對方出軌。咁到底如果真係出軌,又有冇蛛絲馬跡可尋?

 

1. 長期OT / 約朋友食飯

關於愛情:偷食無罪出軌有理?

首先,如果佢份工真係成日要OT,而你又晚晚走去懷疑佢,咁就真係冇人性喇!但若然佢平日放工時間隱定,最近成日無啦啦話要OT,又講唔出實際工作內容,咁就要睇實啲喇!除咗OT,約朋友都係一個常見藉口,如果問多佢兩句、睇下同邊個食飯,話唔定真係答唔出!

 

2. 重新開始注重儀容 / 反常獻殷勤

關於愛情:偷食無罪出軌有理?

一對戀人,互相對大家好、相敬如賓其實係好合理。但有時相處得耐,好多位難免變得求其。例如有時拍拖都懶得化妝、Gel頭,出街嗰陣仲係著住瞓覺嗰件T-Shirt。喺呢個Moment,如果你情人突然一反常態、極度注重儀容,出街又幫你拎袋拉櫈,絕對有機會係重返發情期,不自覺展示出天生嘅雄風 / 女人味,骨子裡流露出原始嘅獸性欲望!

3. 手機不離身 / 心不在焉

關於愛情:偷食無罪出軌有理?

除非你係專業player,如果要同時間分配心思,去應付兩個 (或以上) 唔同嘅人,難免都會有少少雞手鴨腳。明明同緊A君食飯,又約緊B君聽日開房,自然會心不在焉,手機收得越密實越好!不過講還講,我絕對唔讚成Check手機呢個行為,因為真係好冇公德!

關於愛情:偷食無罪出軌有理?

講真人人出軌都有不同原因,細佬我唔係咩道德衛士,亦唔覺得出軌就一定係罪人、被出軌嗰個就一定係好人云云。人生苦短,冇可能滿足所有人;盡量搵到一個方法,令自己開心之餘又可以減少對其他人傷害,已經係功德無量。

 

LOAD MORE