周董根本是寵妻狂人！周杰倫超愛錫昆凌

亞洲天王周杰倫經歷多場戀愛後，最後同細佢14歲嘅昆凌結婚，係咩令周董決定要娶昆凌返屋企？原來有次周董僵直性脊椎炎發作，身體痛到不行，就喺呢個moment，周董最掛住嘅係昆凌，佢就知道要娶佢回家了。

岩岩喺巴黎嘅時裝周，周生周太都被邀請出席睇CHANEL show，二人甜蜜出席，周董對昆凌嘅細心舉動，更融化在場嘅人。

昆凌一身粉色造型登場，露肩上衣令佢睇落更加青春，著得咁靚，連老公周董都忍唔住留言讚：「有點正…怎麼辦」，閃盲身邊人喎！

面對口花花嘅老公，昆凌似乎都有應對方法，甜甜地回應：「下次歪的給你拍！」

兩夫妻打情罵俏，感情超好，而周董亦好錫太太，事事都以太太為先，今次睇show前，佢哋兩個就提早出發，遊歐洲、拍拍拖。

周杰倫知道太太鍾意影相，所以不時會做佢嘅攝影師，知道太太鍾意Chanel，又會買手袋俾佢，氹得太太好開心。

結婚多年，二人感情依然好好，會不時一齊放低工作，去旅遊散心，sweet到爆。

而昆凌亦都為咗周董、呢個家放棄好多，周董不時大讚太太溫柔體貼，又會照顧佢，喺佢背後默默守護，係一位100分太太。聽到老公咁讚自己，昆凌一定好冧啦。