news

最美星二代!木村光希、任晴佳逆天長腿鬥搶鏡

最美星二代!木村光希、任晴佳逆天長腿鬥搶鏡

木村拓哉同工藤靜香嘅細女Koki今年正式出道,消息轟動整個亞洲,而近日Koki就同媽媽工藤靜香一齊出席CHANEL高級訂造時裝騷,係Koki第一個時裝騷,一現身就勁搶鏡!而同一時間,任達華同琦琦嘅囡囡任晴佳都有出席Dior高級訂造時裝騷,兩位星二代年紀輕輕,就已經好有星味,令人更加期待佢哋之後嘅發展!

by anna

Koki完全遺傳了父母嘅良好基因,15歲就已經有170cm高,著上一條銀色閃片背心短裙,手拎住獨角獸色嘅Boy Chanel,再襯對Dr. Martens短靴,夠晒青春有個性。

Koki嘅五官同爸爸木村拓哉真係好相似,餅印咁啊!

koki,木村拓哉

第一次去巴黎睇騷,Koki打扮得靚靚地現身,被不少傳媒影相,而Koki亦好自然同淡定地見傳媒,好有巨星風範。

而原來木村同靜香之前對囡囡入行意見有分歧,經常有拗撬而陷入冷戰。幸好最後囡囡都順利出道,木村同靜香都回復昔日嘅恩愛。

而另一位光芒漸露嘅星二代,就係任達華同琦琦囡囡任晴佳。Ella任晴佳都有飛去巴黎,出席Dior高級訂造時裝騷,著上T-shirt牛仔褲嘅Ella散發年輕氣息,一把長長嘅直髮,加上標緻嘅五官,好甜美呢。

今次媽媽琦琦都有一齊出席,仲襯出母女裝,而13歲嘅Ella都長得同媽媽差唔多高了。

喺媽媽鏡頭下嘅Ella,充滿冷酷嘅眼神,將來應該會同媽媽一樣做model吧!

LOAD MORE