news

偷圖當自己影?方力申緋聞女友Sadelle被揭IG偷圖

偷圖當自己影?方力申緋聞女友Sadelle被揭IG偷圖

呢個世代為咗呃like可以去到幾盡?!網紅KOL Sadelle最近被眼厲嘅網友揭發其IG中,大多旅行相都係偷圖得嚟,去營造自己成日去旅行、吃喝玩樂嘅一面,看似風光嘅一面,原來背後卻係⋯⋯,令人不禁反問一句,得到好多likes同followers咁又點呢。

by anna

網友們將Sadelle嘅相片同原相作對比,發現無論角度、細節、構圖,都完全一樣,令人傻眼!網友們亦紛紛上Sadelle IG留言,但係Sadelle就一慨不理,直接del所有偷返嚟嘅相,有網友就表示:「啲人玩 IG 玩到傻,想多啲人識,想多啲 follower,個個都做文青」

Sadelle 不時都喺Pinterest偷圖,加幾句caption,成功將張相「私有化」。

被踢爆偷圖後,Sadelle立即del偷返嚟嘅相,但有網民睇唔過眼,喺SadelleIG留言:「本身都幾鍾意你,覺得你好靚,點知你偷人圖又扮自己識煮嘢食,俾人發現就del相del cm,依家對你真係冇乜好感,好失望!」

而當事人就死唔認錯,回覆:「其實有時想用空白相片隔一隔版面,既然大家有意見覺得這樣不對,我當然直接刪除。每個人都會有失魂犯錯的時候,只是覺得大家不需要將人的錯誤缺失無限放大。我接受好的建議和壞的評價,只是覺得冇必要用來公審,我們的生活並不是只圍繞住一件事。」

見到Sadelle被圍插,都有留言安慰:「活在當下,活得自在。」

其實Sadelle有樣有身材,都唔需要偷人哋嘅相去堆砌富貴嘅生活,俾你呃到幾千幾萬個Likes咁又如何呢。

LOAD MORE