feature

2018年韓國「年度風格男人」TOP6!除咗李棟旭、車銀優仲有邊個?

2018年韓國「年度風格男人」TOP6!除咗李棟旭、車銀優仲有邊個?

韓國知名網站每年都會評選出「年度風格男人」(Men of the year),每年選出嚟嘅Oppa都會令各位姊妹們嗌破喉嚨!咁究竟佢哋係點樣揀出嚟?網站係從每年最紅、最靚仔、以及最具代表性嘅韓國男人入面選出幾個代表,而最近網站就從偶像、演員同運動員入面選出咗2018年度最具代表性嘅六位男星,快啲嚟睇吓你嘅Oppa喺唔喺入面啦!

by COSMO

1. 李棟旭

2018年韓國「年度風格男人」TOP6!除咗李棟旭、車銀優仲有邊個?

李棟旭榜上有名一啲都唔意外!因為主演《鬼怪》而爆紅嘅佢今年除拍攝偶像劇《Life》之外,仲成為咗CHANEL男士化妝品「Boy de Chanel」嘅代言人,可以話係馬不停蹄咁工作,唔怪得知佢亦都被韓國女仔選為「最想交往男星第一位」!

 

2. 車銀優

2018年韓國「年度風格男人」TOP6!除咗李棟旭、車銀優仲有邊個?

第二名有憑著「我的ID是江南美人」而爆紅嘅男演員車銀優,除咗擁有超可愛嘅笑眼睛同白嫩肌膚之外,演技都被網民大讚,絕對係不容忽視嘅新勢力!加上超陽光嘅笑容,小編嘅心都就嚟要融化啦!

3. ZICO

2018年韓國「年度風格男人」TOP6!除咗李棟旭、車銀優仲有邊個?

韓國男團Block B隊長ZICO今年可以話係達到事業巔峰,不但舉辦咗個人演唱會,仲受邀到北韓平壤擔任南北首腦會談嘅演出歌手!雖然之前有謠言傳出ZICO要同Block B解約,令唔少粉絲都非常難過,但相信無論去到邊ZICO都會繼續帶好多高質音樂作品給大家嘅!

 

4. 孫興慜

2018年韓國「年度風格男人」TOP6!除咗李棟旭、車銀優仲有邊個?

第四位嘅孫興慜可能大家唔係太熟悉,但其實佢喺韓國嘅人氣可以話係運動員界數一數二高!孫興慜係一位韓國職業足球員,正為英超球隊熱刺效力,喺場上超帥嘅英姿加上稚嫩嘅外表,令佢獲得「韓國足球隊小鮮肉」之稱,亦吸引咗各個年齡層嘅女fans!孫興慜今年仲代表咗韓國隊出戰世界盃,分別對戰墨西哥同德國,表現超亮眼!

 

5. 河正宇

2018年韓國「年度風格男人」TOP6!除咗李棟旭、車銀優仲有邊個?

今年最紅嘅韓國男星絕對非河正宇莫屬!出道15年嘅佢可以話係票房保證,最具代表性嘅作品就係《與神同行》!唔好睇佢外表高冷,但正宇Oppa私底下原來係個超搞笑嘅人,呢種反差萌真係好得意呀!

 

6. 卞約漢

2018年韓國「年度風格男人」TOP6!除咗李棟旭、車銀優仲有邊個?

最後要介紹嘅係韓國男演員卞約漢,他嘅知名作品包括《未生》,喺入面飾演新進社員嘅他,憑著熟練嘅演技引起話題,亦都令好多人睇到佢超強嘅爆發力!之後演出過嘅作品包括《六龍飛天》同《陽光先生》等等,令粉絲可以見到佢唔同嘅魅力!今年係佢首次入圍韓國年度最佳風格男人,大家幫佢打打氣啦!

 

LOAD MORE