零必敗必學!打造情人節完美小顏修形look!

零必敗必學!打造情人節完美小顏修形look!
by CosmoGIRL!

之前連續9日低過10°C,無論著幾多件衫都覺得凍冰冰,同朋友gathering嘅話梗係要打邊爐,食啲熱辣辣嘅嘢先暖返個身啦!但經歷咗今年幾個寒流、打咗N次邊爐之後,發現自己多咗個肚腩仔之餘,連平時影相呃吓人嘅V面都有變包包面嘅趨勢(哭)……最慘係過兩晚情人節氣溫回升返到18、9度,即係話:同BB豬慶祝嗰陣冇得著厚褸遮腩肉!

只要識得用「掩眼法」,秒速變瘦其實唔難:運用視覺科學原理,突出返臉部同身材嘅立體輪廓,就即時可以令肚腩仔消失同變返V面,連BB豬對眼都呃埋!想情人節變返苗條小顏美女,就要快啲mark低以下幾個打造立體輪廓嘅貼士!

個個女仔都化一字眉,但唔通個個女仔都啱化一字眉咩!要知道粗平嘅一字眉會喺視覺上縮短臉部嘅長度,如果圓臉嘅女仔畫一字眉妝,就會變成超級包包面!圓臉女生適合畫高䠷眉同埋將眉尾拉長,咁先可以帶出修飾臉形嘅效果!

搵出合適自己臉部同身形嘅線條
以為著鬆身衫褲可以遮肉,點知著出嚟反而孕味超濃?其實係因為好多鬆身衫褲都唔講究cutting,結果著出嚟之後變到又肥又矮!

無論你想著boyfriend style抑或skinny jeans,記得要留意衫褲上面有冇立體車線,咁著上身先可突顯返身材嘅線條,同埋喺視覺上拉長雙腿!

塊面望落去又扁又平?只要識得運用眼影同胭脂營造顏色對比,五官輪廓即刻出返哂嚟!深色帶珠光嘅眼影能夠增加雙眼立體感,令眼神更深邃迷人;搽胭脂嗰陣由蘋果肌斜掃上去太陽穴,就可以減輕包包面嘅情況!

顏色對比提高立體感
同樣道理,衣服上亦都可以利用顏色上嘅對比營造顯瘦效果。以唔少女仔都覺得長腿先著得好睇嘅牛仔短裙為例,只要喺牛仔短裙加上拼布設計,兩種深淺不一嘅牛仔布顏色能夠提升大腿同hip位曲線、改善身形比例,呈現3D立體感!

開始修容嗰陣,首先要喺突出的輪廓位置,例如T 字位、下巴中央等掃上highlight,能夠令五官更有立體感;之後再沿住腮邊至下巴輪廓線輕掃shading,借助陰影突出臉型輪廓,達至立體小顏嘅效果!

利用光影效果增强輪廓
至於衣服上的光暗漸變效果,亦可以靠洗水顏色同位置呈現出嚟。例如洗水牛仔褲嘅淺色位置應該落喺高光位製造立體感,而大髀中間同側邊就深色少少,咁大髀睇落去就會slim好多!

每次化完妝之後,硬係覺得差少少?可能係因為你忽略咗修飾臉上嘅細節部位!喺眼頭同眉骨位置加上highlight、用白色眼線筆畫下眼線、用唇筆勾勒出唇線等等嘅小技巧,都係令輪廓更加鮮明突出嘅秘密!

Detail位隱藏嘅魔鬼細節
要雙腿睇落更修長,牛仔褲上嘅細節設計一樣唔可以忽視!利用不規則褲腳邊露出腳踝、褲管上嘅破洞露出雙腿肌膚,都係公認嘅顯瘦設計,而有啲品牌更加會通過基因運算方法,精準計算出最理想嘅磨損位置,咁就可以確保著上身之後,人人都覺得你雙腿又長又slim啦!

除咗靠shading令輪廓更精緻,髮際線高低同臉形大小都好有關係!髮際線過高容易出現「Pizza闊面」嘅情況,想臉形望落更瘦,可以用陰影粉輕輕搽喺髮際位,製造髮量增多嘅錯覺效果,小顏自然冇難度!

製造錯覺效果嘅重要性
T-shirt同jacket一樣可以運用圖案設計,產生視覺錯覺效果:例如印上粗幼不一嘅橫間同漸變紋理,再加上人體工學設計,就可以營造到曲線效果,自然幫你升cup之餘,條腰望落去亦更加纖幼,秒速幫你改善身材!

2018 Lee BODY OPTIX™春夏系列嘅牛仔產品及T-shirt,能夠360°全方位顯瘦兼提升身體曲線,再加埋以上嘅化妝技巧打造立體小顏,臉部同身材輪廓即刻出返嚟,情人節嗰晚upload放閃合照上網,直頭連圖都唔使P啦!

了解更多:http://leejeans-ap.com/bodyoptixdenim/tc/index.html

資料由客戶提供

LOAD MORE