news

黎明做爸爸啦!新歡助手Wing由屋村妹變闊太

黎明做爸爸啦!新歡助手Wing由屋村妹變闊太

51歲嘅四大天王黎明同前妻樂基兒離婚6年,一直都無任何緋聞,然後最近就被傳同年輕十幾歲嘅失婚女助手行埋,女助手阿Wing仲懷孕6個月,當大家都仲估估下嘅時候,黎明今日就突然喺社交平台宣佈做爸爸!

by anna

點解助手阿Wing會迷倒Leon,完全係靠主動出擊。

之前喺A Music做助手嘅時候,就有傳因為戀上李治廷,所以同老公分手,後來佢仲不時跟出跟入,跟埋李治廷出Trip,原本以為李治廷離開A Music時會帶埋佢走,但最後就緊係無啦。

黎明,女助手,Wing

32歲嘅阿Wing係進取型,喺公司上位上得好快,升完一級又一級,本來只係一個小小嘅職員,但後來逐步埋Leon身,不時主動提出陪Leon出國工作,慢慢建立黎明對佢嘅信任。

而家嘅阿Wing已經喺黎明旗下嘅公司話晒事,而家係公司營業部經理,負責處理黎明大小事務,仲進駐天王喺上水雙魚河St.Andrews Place嘅6千呎獨立屋,主人家地位呼之欲出啦。

黎明今日就PO出一段宣言,表示會保護BB同屋企人,好man!

"兩個經歷過離婚的人,有機會走在一起已是一種缘份,有了的小生命更將令我成為父親,并帶我進入人生中另一階段。我作為父親必須保護好我自己的家人,更不願意讓家人隨便曝光,相信作為家長也會有同感。對於我們的將來,就交给時間去證明一切。2018年3月19日! Leon”

已時陀B六個月嘅阿Wing完全係飛上枝頭,黎明亦對佢愛護有加,阿Wing由一位普通嘅打工仔,榮升成為闊太,全身行頭加埋有成37萬,好富貴啊!

再次恭喜Leon成為爸爸,有一個幸福嘅家啊!

LOAD MORE