feature

約砲都要揀啱人!朋友變砲友、交友app約砲邊樣最好?

約砲都要揀啱人!朋友變砲友、交友app約砲邊樣最好?

性依樣嘢,人人都有需要,只係大家都唔敢講,更加有不少人固定或者一期一會、只有性冇愛嘅性伴侶,即係sex partner(SP)喇!但係揀SP都要揀得好架,依家就同大家分析下利弊。

by 心急人上

1. 好友砲

朋友變砲友,好處係人人都知你哋係好朋友,約出嚟大家都唔會懷疑,仲幾時約都得。而你哋都咁好朋友,喺床上有咩要求都可以開心見成講出嚟,唔使驚對方嬲,想試咩體位都得!唔好係咩?

SP關係唔可以一世架!到一日你搵到個好愛嘅人想好好拍拖,咁依個朋友可能仲會見,仲如果會帶埋男朋友出嚟,嗰種尷尬真係諗到都驚! 仲有呀,女人同男人唔同,性同愛邊分得清,小心玩出火,認真咗呀!

2. 交友app砲

其實同一夜情冇分別,但係今次係睇相揀,不過係digital嘅年代,照騙係幾咁平常嘅事,出到嚟先發覺唔得,仲點食得落呀,完全係破壞心情呀!咁當然都有好處嘅,就係見得一次,搞完就走,唔使負責任,試到ok仲可以keep住聯絡,如果唔得,咪繼續loop搵下一個,app入面大把貨。

3. 旅行砲

去旅行心情特別好,開心嘅人自然容光煥發,零舍有魅力,艷遇都自然會嚟!享受異國風情,集郵一樣呀,講出嚟仲好似幾威咁,不過一個女仔去到異地真係凡事都要小心,唔好彩遇到個變態嘅,真係會命都冇架!有睇《顫慄柏林》(Berlin Syndrome)嘅就會明!仲有一夜激情記得要安全,唔係就會好似《媽媽咪呀!開心再嚟》(Mamma Mia!Here We Go again)咁,連上3條仔,有咗都唔知邊個先係老竇。

LOAD MORE