editing

你永遠不能喚醒那個裝睡的情人

你永遠不能喚醒那個裝睡的情人

早排睇完一大堆頒獎禮,本年度我最鐘意嘅歌曲《張敬軒—百年樹木》奪得多個大獎,真係好開心!不過喺《百年樹木》呢個咁虐心嘅故事背後,除咗有《櫻花樹下》作為前傳,其實仲有兩套續集,分別係《歲月靜好》同埋《裝睡的情人》。


你永遠不能喚醒那個裝睡的情人

裝情的睡人,呢個名改得幾有意思。除咗對應「假裝我已睡覺,驚你神情內疚」呢句歌詞之外,更加係講緊一個老生常談嘅話題:「你永遠都叫不醒裝睡的人」裝睡嘅人,可以係你,可以係我,可以係任何人;不過此時此刻,未必真係有其他人嚟叫醒你,反而可能係你明明可以叫醒自己,但又繼續沉迷於美夢之中

你永遠不能喚醒那個裝睡的情人

故事入面,陳智燊飾演嘅Bob (by the way 呢個名真係好難聽好難聽好難聽,我好想丟佢落山) 陪同廖子妤飾演嘅芳芳參加校友會周年Party期間,發現老婆原來一直記掛舊男友。此刻嘅衝擊,令Bob陷入人生抉擇。如果好好裝睡,仍可幸福微笑;如果狠心叫醒自己,兩敗俱傷。

你永遠不能喚醒那個裝睡的情人

講到底,無論你表面上有幾多伴侶、SP,人心始終都係肉造,冇可能容納太多人喺裡面。大部人都有情感,但當情感滿溢嘅時候,身邊卻未必係你最愛嘅人;暫時借取他人溫暖,用來投射自己嘅情感需要,成為今日都市人可悲而且常見嘅生態。
「我是一個臨記可以填滿你寂寞,姑息你濫用我彌補這空檔」

你永遠不能喚醒那個裝睡的情人

人地話,十七八歲時候嘅戀愛往往都係最純潔、最真誠。但我哋總係喺最冇能力作出承諾嘅時候,遇上最想照顧一生嘅人。因為種種原因,最愛嘅人無奈分開;輾轉之下,幾經辛苦先熬到有能力照顧他人嘅年紀。

你永遠不能喚醒那個裝睡的情人

可能係社會嘅壓力、可能係父母嘅威逼,更可能係源於自身嘅空虛。為咗尋找感情寄托,一對剛好到達適婚年齡嘅男女,陰差陽錯之下走埋一齊。無論係浦鉻心同藍定凌,抑或係Dahlia同Bob,大家都走唔出呢一場情感嘅羅生門。
「一起無言以對如常去相親相愛是哲學,切勿誠實交往」

LOAD MORE