除了我愛你，男生還喜歡聽你說這些話

古語有云：男生追你個時當你係寶，但係一追到你就當你係草，我諗唔少女生都有同感，就係拍拖耐咗，男友會變得懶咗，無咁出力去寵你成為公主，呢個時候你就要撻返著佢嘅熱情！

拍拖時成日都會講肉麻說話，而最常講嘅應該就有：我愛你、我掛住你，但原來除咗呢兩句，男生們仲鍾意聽到呢3句甜言蜜語。

1. 謝謝你這麼疼我

知道唔少女生拍拖嘅時候，總會覺得男友唔夠好，嫌佢做唔到呢樣，又做唔好個樣，但其實有邊個唔鍾意俾人讚，男生都好想有人會欣賞自己。即使佢有好多壞習慣，但身為佢女朋友，就應該要好好欣賞同愛錫佢嘅小心靈，欣賞一下佢對你嘅付出，多謝一下佢對你嘅照顧，男生其實都會覺得好warm、好sweet架！

2. 有你真係好喇

呢句絕對唔係排好人卡，而係真心打從心底欣賞同讚美你嘅男友，男生都鍾意人讚嘅，咁如果佢對你好好，溫柔中又有點funny，瀟灑中又有點體貼，你出其不意地讚一讚佢，可能會令佢開人成日架，同埋男生都鍾意人肯定佢，所以時不時就同佢講：你好叻啊、你好勁啊，有你真係好喇！

3. 我好鍾意同你一齊

兩個人一齊，最緊要相處得舒服自在，而男生則其實都會在乎存在感呢件事，尤其喺女友心中嘅地位。有時喺約會後講句：今日同你一齊好開心啊，好難忘，會令約會更加圓滿，而男生亦會甜入心，下次約會就更加期待同開心啦！