editing

最令人討厭的Message行為!你中邊幾樣?

最令人討厭的Message行為!你中邊幾樣?

自從步入數碼世紀,香港人溝仔溝女再唔係寫紙仔、飛鴿傳書,或者等待深夜靜靜雞用屋企固網電話傾通宵嘅年代。現代大部份嘅溝通方式,都係依靠Send Message為主;雖然今時今日好多小朋友都鐘意玩Snapchat,但講到深度對話,相信Whatsapp/Messenger等等工具依然係不可或缺。


最令人討厭嘅Message行為!你中咗邊幾樣?

放眼而家嘅戀愛課程,或者係網上示愛攻略,大部份都係教導投其所好、得閒講幾句Flirty嘅說話,最好每句覆短啲、同埋唔好一收到Message就即覆云云。結果每次示愛失敗,你以為只係自己冇跟足指示辦事,又可能純粹遇人不淑,下次一定會成功嘅。真相又邊有咁簡單?

最令人討厭嘅Message行為!你中咗邊幾樣?

講到底,無論你學咗幾多花言巧語,溝仔/溝女始終係一門溝通技巧。如果你冇辦法令人有興趣繼續同你傾計,話之你腿張開送上門,溝通都係失敗(如果你好靚又腿張開就可以另計,不過我哋今次講緊普羅大眾)。所以,想要同對象開展Topic傾計,首先就要學識避免做Topic Ender。

依我所見,一般人經常會墮入幾個話題終結嘅陷阱,希望你睇完呢篇文之後,從此唔好再中伏:

1. 九唔搭八

最令人討厭嘅Message行為!你中咗邊幾樣?

想用文字溝仔,最基本嘅條件,就係要對方睇得明你表達嘅內容。無論你用中文定英文,最好確認一下你自己嘅文字符合你想表達嘅意思。如果你都覺得自己講嘢1999,睇你Message嗰個人一定會更加攰。

2. 唔分段、唔分行

最令人討厭嘅Message行為!你中咗邊幾樣?

鐘意一個人,好容易就會連珠炮發打一大堆字、有乜講乜,完全唔理會Sentence Structure。唔要求每個人都係鄺俊宇,不過如果你能夠將自己嘅思緒好好整理一下,對方就會更容易代入你嘅處境,真正進入同一話題。

3. 過度使用Emoji

最令人討厭嘅Message行為!你中咗邊幾樣?

今時今日Send Messenger當然唔可以純文字,如果唔加幾個Emoji,對方分分鐘以為你黑面、嬲咗佢。話雖如此,如果每句對話都加Emoji都係一件幾嘔心嘅事,尤其過度使用「微笑」、「笑喊」,或者每一句都加一個「哈哈」結尾......其實真係好虛偽,連「好假的肥仔」都不如。

4. 懶得打字

最令人討厭嘅Message行為!你中咗邊幾樣?

自從Whatsapp都有埋Sticker,莫講話打字,世人就連語音功能都懶得用,成日就咁撳個Sticker出嚟就當自己覆咗機,以為好幽默,其實係懶到出汁。講真如果個Sticker唔係好關事,好心你就唔好為覆而覆;想溝仔又唔想pay effort,不如返屋企慳啲啦。

5. 「......」

最令人討厭嘅Message行為!你中咗邊幾樣?

得罪講句,「......」可以話係有史以來最討厭嘅回覆訊息。對方打咗一堆字畀你,無論幾唔啱心意,你可以用各種嘅回應去表示不滿、無奈、憤怒、唔高興、唔同意。但如果你就咁覆一個「......」,咁即係表達啲咩呢?所以如果當我見到「......」,而對方又唔主動再搵我嘅話,呢個「......」就會係彼此嘅最後對話。
祝各位情聖一帆風順!

LOAD MORE