太陽孝琳甜蜜結婚!BIGBANG又跳又唱好溫暖

太陽孝琳甜蜜結婚!BIGBANG又跳又唱好溫暖

韓國天團BIGBANG第一位成員結婚,專一長情嘅太陽同演員閔孝琳結婚,成為人夫,婚禮上就好似雜話世界咁甜蜜夢幻,孝琳係太陽嘅初戀,仲睇得出太陽真係好愛孝琳,每個細微位都流露出絲絲嘅溫暖,好sweet啊!

by P

而BIGBANG嘅一班兄弟,當然要出席祝福太陽啦,佢哋感情深厚,暖暖嘅舉動仲令太陽好感動!

太陽同孝琳呢對情侶,原來喺2013年已經開始萌芽,至2015年,俾韓媒影到男方幫女方綁鞋帶,戀情先至曝光。但原來,佢哋嘅媒人係好兄弟G-Dragon,因為佢推薦孝琳做MV女主角,自此太陽就被孝琳深深吸引住。G-Dragon同太陽自細就一齊練習,一齊玩,感情好好!

大家都知,太陽係女友傻瓜,唱sad歌時,可以因為孝琳喺到,而笑住唱。而太陽首名曲的《EYES, NOSE, LIPS》係為孝琳而寫,今次喺婚禮上,太陽亦都有獻唱呢首情歌俾太太,仲好深情地望住太太唱,冧到爆啊!

喜歡低調嘅二人,先於首爾中央教堂低調行禮,之後再移師仁川Paradise City設宴,成個婚禮都以非公開形式進行,淨係招待雙方家人、同事同埋圈中好友,包括BIGBANG隊友G-Dragon、勝利、大成、T.O.P,仲有同門歌手PSY、CL同埋YG事務所社長楊賢碩等。

連久未露面嘅T.O.P都有現身,同G-Dragon一齊坐專車到場。粉絲們見到T.O.P依然健康帥氣,都表示好開心!而2NE1嘅CL都有出席,仲唱咗幾咀添!

After Party個陣,5子仲大唱good boy,現場就好似係BIGBANG嘅演唱會,好High啊!

好兄弟勝利亦都有為一對新人邀唱《Strong Baby》,但原來婚禮前勝利曾問過太陽:「咁多人唱歌好聽過我,點解要搵我?」重情嘅太陽就話:「因為我想睇到勝利盡全力唱歌嘅樣」原因窩心又甜蜜,令勝力更落力地去演唱,祝福一對新人,現場超感人!

睇得出太陽超錫孝琳,二人默契十足,太陽仲不時引孝琳發笑。

太陽哥哥同一對新人一齊合照,好溫馨喔!

興奮嘅太陽仲跳起舞嚟,表演俾老婆睇,搞到孝琳係咁笑。太陽不時深情地望住孝琳,好似得到全世界般咁開心,好可愛啊!

今日就係孝琳成為人妻後嘅第一個生日,佢一朝早就post咗兩張婚照,唯美嘅白色婚紗,幸福滿滿。

閔孝琳曾在採訪時講過:「我希望29歲遇到對的人,然後談戀愛,在31歲的時候結婚。」如今,找到個會拼命完成自己心願,極度疼愛自己的男人,孝琳真係好幸福啊!

LOAD MORE