月經遲來！3個M小姐遲到的理由

每個月來訪一次嘅M小姐可以為女生帶嚟唔少煩惱，可以話係嚟又煩，唔嚟又煩，嘗試了解佢多啲，自己都好過啲！

除咗懷孕，M遲嚟的理由仲有⋯⋯

1. 壓力:

當你身體或情緒上壓力過大，身體會產生壓力荷爾蒙腎上腺素和皮質醇，咁大腦會自動去衡量喺危機下，身體邊啲功能運作要優先，直至危機（壓力）過去為止，人體嘅本能會先供血俾肺部等重要部位，而消化、生育系統等會排得比較後，所以如果壓力嚴重，係可能會影響經期架！

2. 體重大起跌: 

體重大跌，日常吸收熱量不足或壓力過大，都會影響下丘腦，導致身體停止釋出雌激素；同樣地，如果體重驟增、過重，會導致身體生產過量雌激素，兩種情況都會影響排卵，導致經期紊亂或閉經。

3. 過度運動:

運動係好，但過量咗、限制飲食得太緊要，都會影響身體生產唔夠雌激素去完成一個完整嘅經期。如果你係運動狂，就要留意有無出現以下呢啲做多咗嘅跡象:

*體重大幅/忽然增加 *體能表現下跌 *因為迫得自己太緊而引致受傷/生病

如果有出現呢啲情況，放返慢個節奏、俾多啲時間去達成目標，等自己增返少少重，先至繼續。