各自偷食你接唔接受到？開放式情侶關係6大注意事項

而家似乎多咗人留意開放式情侶關係（open relationship）呢種關係，雖然講明係開放式，但都係一種關係，唔等如唔使尊重，要注意嘅事項分分鐘比兩個人嘅關係更加複雜。

咩喺開放式關係？

大意係兩個人都有意願保持伴侶嘅關係，但又唔受單配偶嘅限制，意味住雙方同意保持戀愛關係或伴侶關係，同時亦接受或者容許其他人介入，至於喺關係裏面嘅內容、界線，就每一對伴侶設定嘅都會唔同，主要係依從返雙方嘅意願去決定。

1. 保護大家嘅健康

安全措施要做足，呢個係關係到大家健康嘅問題，唔能夠馬虎。

2. 遵守共同承諾

常見嘅共同承諾包括唔帶外面嘅人返屋企、唔分享細節、對象唔可以係共同朋友。另外有啲規則需要兩個人自訂，始終每段關係都有每段關係嘅特質。

3. 坦誠有第三者

雖然對方唔需要知道你同第二個嘅細節，但係當你同第二個有關係時，唔可以隱暪。

4. 控制呷醋factor

嫉妒係好有可能會出現嘅，無論係你呷醋定伴侶呷你醋，最好事先一齊傾清楚，然後自己一個再諗清楚，如果嫉妒出時嘅最佳處理手法。

5. 做好時間管理

當一個人擁有超過一段關係時，又要返工又要陪fd，時間係會即刻唔見使咗好多，有無信心做到各方面balance？

6. 準備好別人目光

即使唔四圍話俾人知，都有可能俾人發現，佢哋可能好多嘢問，或者有啲睇法，或者喺背後講一啲說話，係咪做好心理準備去面對呢啲情況？