feature

陪伴我們成長的動畫!盤點6句宮崎駿動畫的人生哲理

陪伴我們成長的動畫!盤點6句宮崎駿動畫的人生哲理

有冇邊套動畫你好深刻,然後發現細個睇同大個睇所得嘅體會有所不同?相信好多人都會揀宮崎駿大師嘅作品,佢嘅作品除咗陪伴我哋成長之外,都教識咗我哋唔少人生道理!今次小編就為大家揀嚟6樣宮崎駿動畫教識我們的人生哲理!

by COSMO

1.「愛,不是尋找一個最完美的人,而是學會用完美的眼光,欣賞那個並不完美的人。」-《哈爾移動城堡》

陪伴我們成長的動畫!盤點6句宮崎駿動畫的人生哲理

要學識無人完美,亦都唔應該逼你愛嘅人變成完美,或變成你心目中完美伴侶嘅模樣。因為當佢變成你想要嘅東西時,佢已經唔係原本嘅佢。對於愛情懵懵懂懂嘅我們,喺剛開始同人相愛時總會想追求一個完美嘅人,總係唔記得停低腳步好好檢視自己。然後到頭來發現,只要學識用完美眼光嚟欣賞嗰個愛你但不完美嘅人時,先可以真正擁有一段健康長久嘅愛情。

 

2.「夢想不會逃跑,會逃跑的,永遠是自己。」-《魔女宅急便》

陪伴我們成長的動畫!盤點6句宮崎駿動畫的人生哲理

追夢嘅路或者好難行,可能會遇到好多阻滯同反對,但如果真係好想做,就趁著後生去做!

每個人喺成長嘅過程中,或多或少都擁有過自己嘅夢想,可能會讀好嘅大學、擁有自己嘅屋企,甚至不切實際到想有一日會成名,但最終卻因為對自己信心不足而選擇放棄......《魔女宅急便》入面呢句台詞講得好好,夢想其實一直都在,會逃跑嘅只有人,要好好努力,先可以可能實現夢想。

 

3.「成長是一筆交易,我們都是用樸素的童貞與未經人事的潔白交換長大的勇氣」-《魔女宅急便》

陪伴我們成長的動畫!盤點6句宮崎駿動畫的人生哲理

長大嘅我們或者最能明白呢句說話......諗返轉頭,或者成長真係一筆交易,喺成長路上所承受嘅壓力、嘲笑、不支持、失敗等等都令我哋潔白樸素嘅童貞都慢慢溜走。換嚟嘅係自己變得更加識保護自己,令自己不受傷害。慢慢地,再也找不回童年簡單嘅歡笑聲同無憂無慮嘅生活......

 

4.「生活壞到一定程度就會好起來!因為它無法更壞。努力過後才知道許多事情,堅持堅持就過來了。」-《龍貓》

陪伴我們成長的動畫!盤點6句宮崎駿動畫的人生哲理

船到橋頭自然直呢句說話應該係啱嘅!動畫中草子同次子雖然經歷好多挫折同打擊,但仍然不放棄希望,一直努力不懈咁堅持下去。或者就同我哋人生遇到嘅挫折一樣,只要一直抱著希望,相信生活唔會再壞下去,總有一日我哋都可以好似《龍貓》嘅主角咁,等到媽媽病情好轉嘅好消息。

 

5.「人生是一列開往墳墓的列車,路途上會有很多站,但卻很難有人可以至始至終陪著走完。」-《龍貓》

陪伴我們成長的動畫!盤點6句宮崎駿動畫的人生哲理

人生嘅過客好多,有啲你好希望佢哋會永遠留下,但係現實中佢哋可能頭也不回咁走咗;相反,有啲人你冇諗過佢哋會陪到最後,然後佢哋竟然會默默守護你。以前嘅我們大概會以為友情同愛情係絕對唔會變嘅嘢,但後來先發現,其實人生就好似一架開往死亡嘅列車,途中會停靠好多唔同嘅車站,正正就好似我哋會遇到唔同嘅過客一樣。

6.「當陪你的人要下車時,即使不捨,也該心存感激,然後揮手道別」-《千與千尋》

陪伴我們成長的動畫!盤點6句宮崎駿動畫的人生哲理

就算唔係每一個人都可以喺你身邊繼續陪伴妳,但係都應該感激佢哋曾經出現過喺你生命入面,曾幾何時為你嘅生活添點色彩。與其捨不得佢哋離去,不如帶著感激嘅心情好好地向佢哋揮手說再見,期望同再次碰面時大家都已經變成更好嘅人。

 

LOAD MORE