feature

2019國際先生參賽名單出爐!香港都有代表?!

2019國際先生參賽名單出爐!香港都有代表?!

一年一度嘅國際先生又嚟啦,又到派福利嘅時候!經過一輪龍爭虎鬥嘅面試之後,最終參賽名單都出爐啦,小編當然會同大家睇下一班仔仔究竟係咩料子,究竟係咪都係美貌肌肉與智慧並重先!如果想知邊個會衛冕第13屆嘅國際先生,記住留意2月24號嘅決賽啦!

萌sun


1.香港代表

有無諗過香港都有代表先?!唔好成日話香港男仔頹毒摺,因為代表香港參賽嘅偉健絕對唔係!任職模特兒同私人健身教練嘅佢,可以話係樣貌與肌肉並重,唔知有冇機會代表香港攞獎呢?

年齡:25歲
職業:模特兒,私人健身教練

2.台灣代表

亞洲代表有點止香港咁簡單,睇完香港我哋飛遠少少去睇台灣!台灣代表有張哲偉 Kevin,陽光嘅笑容絕對迷倒唔少粉絲,加上帥氣嘅臉蛋同健碩嘅身材,真係好正呀!

年齡:26歲

職業:模特兒

3.韓國代表

再飛遠少少去韓國!韓國嘅代表有황대웅 Dae Woong Hwang,任職消防員嘅佢有一身古銅色嘅肌膚,加埋超結實嘅肌肉,實在係十分養眼!

年齡:29歲

職業:消防員

4.日本代表

亞洲嘅代表又點少得日本!日本嘅Tsuyoshi Takimura係健美比賽嘅常客,IG幾乎全部都係肌肉相咁濟,睇嚟練得一身好肌肉的確下過唔少苦功!

年齡:22歲

職業:商業管理學生

5.印度代表

印度代表Balaji Murugadoss嘅職業係一位企業家,聽上去事業有成咁喎,唔知企業家呢個職業加上滿身肌肉會唔會令佢喺比賽跑出呢?

年齡:23歲

職業:企業家

6.越南代表

亞洲嘅參賽選手仲有越南嘅Trinh Bao,千祈唔好睇佢一身肌肉,但係原來佢以前絕對唔係咁大隻。佢嘅IG有post之前啱啱開始操練到成個操練過程嘅相,睇相都睇得出佢有幾努力呀!

7.挪威代表

講完亞洲就去睇下其他地方嘅選手,我哋首先去到挪威!挪威代表Mathias Duma有一種壞男孩嘅感覺,唔知係唔係真係男孩愈壞,女孩愈愛呢?

年齡:23歲

職業:模特兒

8.捷克代表

跟住有捷克嘅代表JIŘÍ KMONÍČEK,唔知有鬚All Back又有肌肉係唔係你杯茶呢?

9. 斯洛文尼亞代表

Matjaz Mavri-Boncelj嘅IG滿滿都係寫真同工作照,雖然只得29個帖子,但係已經派晒軍糧:由造型照、生活照到泳衣照應有盡有!

年齡:22歲

職業:Citroën & Peugeot會計部門

10. 西班牙代表

擁有46.4K粉絲嘅佢可以話係人氣王,除咗粉絲多之外,IG更新都勁頻密,家埋呢副Body同呢個樣,仲邊有得輸......

 

唔知呢10個有有無你嘅心水呢?參賽者當然唔知10個啦,要睇完整名單可以去返官方Facebook專頁,記住決賽係2月24號呀!

LOAD MORE