胡杏兒驚現產後脫髮?杏兒高EQ回應髮線後移危機

胡杏兒驚現產後脫髮?杏兒高EQ回應髮線後移危機

胡杏兒同老公Philip Lee婚後依然恩愛,胡杏兒喺上年十月,仲生下好可愛嘅囝囝Brendan,不過最近胡杏兒老公Philip就PO出一張杏兒嘅家居照,仲引嚟網民嘅熱烈討論⋯⋯

By COSMO

杏兒老公Philip喺instagram發布一張相,Philip仲寫道:「我妻子滿臉驕傲,因為她圓滿完成了我的生日願望-幫我做我小時候最愛吃的基輔雞和牧羊人派~」,相中嘅杏兒精神很好,但係髮線就比平日高好多,令粉絲們擔心胡杏兒係咪受到產後脫髮問題困擾。

同囝囝開完生日會,胡杏兒就係屋企煮飯俾老公食,甜蜜又溫馨,完全係100分老婆,而Philip都即刻post相大讚,可是⋯大家重點就放錯咗喺杏兒嘅allback造型上,都紛紛留言關心杏兒,係咪壓力太大、有脫髮問題等等。

正所謂,往往「出賣」老婆另一面嘅,通常都係身邊最親嘅老公大人,今次Philip發布咗呢一張「出事」相,睇嚟都要錫返老婆仔啦。

有網民就推測,胡杏兒因為誕下囝囝Brendan,所以就出現脫髮問題,前陰嘅頭髮明顯變少同稀疏,網民都好心痛杏兒,仲話:「母愛真係好偉大」、「我都唔敢生了」。

不過面對大家嘅緊張同關心,杏兒就超高EQ地回應:「其實我的髮際線一直都這麼後,只是大家沒注意到而已,大家不用害怕,孩子照樣可以生。」

其實杏兒一直都有小碎髮同前陰遮一遮偏後嘅髮線,只係今次因爲allback造型,令到髮線好似後咗好多啫!

LOAD MORE