同事充滿負能量?5大對策助你應對

同事充滿負能量?5大對策助你應對

擁有受害者心態嘅人,通常唔係賴人就係賴個天,有咩唔如意就會落「人都係信唔過」、「人生係咁唔公平架啦」呢啲結論。

by juju

佢哋唔會對自己或團隊負責任,因為咩都係人哋錯,任由呢種心態喺辦公室滋生,會對其他人造成傷害!

職場受害者心態特徵:

1. 事情出錯,佢經常會條件反射咁將錯誤推落別人身上,藉口/大話多多。

2. 期望得到別人同情,就算講到自己好無所謂,其實都係博緊同情。

3. 經常暗示其他人好彩過佢、際遇好過佢。

4. 心裏充滿憤怒/妒忌,鍾意比較,總覺得自己遇到嘅困難比別人嘅困難大。

5. 唔肯孭飛,有難度、有挑戰嘅嘢佢會避。

6. 呢頭嗌慘,嗰頭又怨想幫佢嘅人,結果製造傷感情局面。

7. 去到一個點,佢哋會話啲嘢係整定、係唔夠運等等,而唔係佢問題,令人慢慢唔敢俾啲緊要嘢佢做。

5大對策:

1. 釐清工作標準

如果要同「受害者」一齊完成一啲嘢,清晰咁同佢表達你嘅期望,例如set好deadline,大家同意喺邊啲階段review,清楚表達點分工、邊啲嘢要商量咗先做。

2. 觀察

留意之後你同佢喺呢件事上參與過啲咩,呢啲資料有助你掌握工作進度,同埋以防佢第日指控你唔公平云云。如果仲有其他同事involve,都客觀留意埋大家嘅表現。

3. 鼓勵有事揚聲

鼓勵大家有問題就要出聲,尋求協助,咁可以make sure進度唔會出狀況,擴大到難以挽救嘅地步,同時建立眾志成城嘅精神。

4. 強化團隊關係

盡量喺團隊上將焦點放喺啲好事、開心事上,希望「受害者」會明白到一啲嘢。

5. 唔好犠牲要求

假如有人持續破瓌團隊發展同土氣,就有必要正式作出投訴,唔好因為一個人而降低工作水平,亦唔好拖太耐,俾呢啲無價值嘅衝突蘊釀落去。

LOAD MORE