feature

粉絲威力太強勁!超越太妍成為新一代「IG女王」的竟然是她...

粉絲威力太強勁!超越太妍成為新一代「IG女王」的竟然是她...

2019年剛開始,但係韓國演藝圈嘅更新實在太多太急了吧!首先爆出元旦情侶EXO KAI同BLACKPINK JENNIE蜜運中,之後有TWICE師妹團ITZY正式出道,然後韓國「IG女王」都有新主人翁!究竟呢位新嘅女主人係邊個?又到底係邊個咁勁可以奪去前少女時代隊長太妍嘅寶座?!

by COSMO

太妍「IG女王」呢個寶座其實一直都坐得好穩陣,追蹤人數有高達一千三百萬嘅佢一向都係韓國女明星入面最高,但係點知喺一月就被後輩打敗咗!

脫去寶座嘅竟然係BLACKPINK成員LISA!BLACKPINK人氣高企大家一路都知,但估唔到LISA只係開咗IG帳號7個月,就可以打破太妍嘅紀錄,睇嚟真係長江後浪推前浪!

粉絲威力太強勁!超越太妍成為新一代「IG女王」的竟然是她...

LISA依家嘅粉絲人數已經去到一千三百八十萬,拋離太妍唔少!千祈唔好以為得LISA一個人氣爆燈,其實BLACKPINK其餘三位成員都不甘示弱!Jisoo同ROSÉ都有大概一千萬粉絲,而Jennie就有一千二百萬,唔知係咪因為同KAI拍拖嘅新聞,令Jennie稍微拋離其餘兩位成員呢?

 

LISA嘅IG究竟有咩咁吸引?首先,佢更新甚頻密!基本上每星期都會有更新,內容由時尚造型、生活近照、到可愛自拍應有盡有,加上混血嘅樣貌,每張相都超!吸!睛!

唔知呢個人有天使面孔魔鬼身材嘅「人間Barbie」可以穩坐「IG女王」呢個寶座幾耐呢?

LOAD MORE