feature

《怪獸公司》推出劇集版!大眼仔、毛毛同阿Boo齊齊玩轉公司

《怪獸公司》推出劇集版!大眼仔、毛毛同阿Boo齊齊玩轉公司

《怪獸公司》返嚟啦!深受大人細路歡迎嘅大眼仔、毛毛同阿Boo好快又可以同大家見面!可能Pixar真係聽見大家想念《怪獸公司》嘅聲音,近日迪士尼終於宣布《怪獸公司》即將開拍續集,但會以劇集形式推出,並會於迪士尼全新平台「Disney+」播出,你哋準備好同怪獸們一齊返工未先?

by COSMO

《怪獸公司》推出劇集版!大眼仔、毛毛同阿Boo齊齊玩轉公司

《怪獸公司》於2001年推出時深受觀眾歡迎,主角大眼仔、毛毛同阿Boo更加成為咗唔少人嘅最愛卡通人物。Pixar有見及此終於喺2013年推出《怪獸大學》,但係有唔少粉絲依然表示唔夠喉!Pixar同迪士尼終於諗出妙計,就係將《怪獸公司》變成劇集,並計劃於2020年有得睇,大家終於可以重投毛毛嘅懷抱啦!

 

《怪獸公司》推出劇集版!大眼仔、毛毛同阿Boo齊齊玩轉公司

《怪獸公司》劇集版叫《怪獸上班去Monster at Work》,故事設定於《怪獸公司》電影時間線6個月後。內容講述「怪獸公司」終於唔使再靠嚇小朋友去發電,自從毛毛同大眼仔發現小朋友笑聲可以發電之後,公司就改靠小朋友嘅歡樂笑聲去發電。主角除咗有鐵腳毛毛大眼仔同阿Boo之外,仲有新角色「Tylor Tuskmon」!至於Taylor係邊個,當然係「怪獸公司」嘅員工,佢係公司入面一名超熱心同有才華嘅機械師,幫手帶歡樂比小朋友!

 

《怪獸公司》推出劇集版!大眼仔、毛毛同阿Boo齊齊玩轉公司

除咗Tylor之外其實仲有7個新角色,當中包括Tylor媽媽、新老闆Fritz同水管工人Duncan等新怪物!有新角色加入唔知「怪獸公司」究竟會發生咩事呢!

《怪獸公司》推出劇集版!大眼仔、毛毛同阿Boo齊齊玩轉公司

另一個彩蛋就係有外國媒體爆料指,Pixar有機會搵返《怪獸公司》原班配音人馬回歸,希望打造返一式一樣嘅怪獸們!唔知怪獸們一齊返工,一齊氹小朋友開心又會發生咩搞笑事呢?

 

LOAD MORE