長腿OPPA李敏鎬放下情傷,自拍平頭裝轉去軍事訓練!

長腿OPPA李敏鎬放下情傷,自拍平頭裝轉去軍事訓練!

OPPA李敏鎬上年5月入伍,一直都喺韓國首爾江南區廳擔任社會服務要員一職,服役一年後,李敏鎬就轉去論山訓練所,開始為期4星期嘅軍事訓練,而再入訓練之前,OPPA就喺instagram發布3張新相,粉絲都大呼好型仔啊!

by anna

OPPA敏鎬喺照片中擺出V字手勢,睇嚟佢心情都唔錯,未受秀智拍拖嘅事影響。

李敏鎬,秀智

前度秀智宣布拍拖,李敏鎬就專心服役,最近仲更新instagram,一口氣發布3張相,等fans可以一睹OPPA嘅靚仔樣!

剪咗個平頭裝嘅李敏鎬OPPA戴住黑色口罩,著上白色衛衣,雖然唔係好睇到樣貌,但一雙水汪汪嘅眼睛,都足夠電暈粉絲啦!

李敏鎬,城市獵人

李敏鎬因為之前拍攝《城市獵人》時,曾發生嚴重交通意外,導致右邊大腿及腳踝骨折,需於腿內安裝鋼釘,所以就以公益兵身分服役。

完成4星期嘅訓練後,OPPA就會再次重返原先嘅工作崗位,繼續履行公益兵職務。

2019年嘅5月就會退伍,粉絲們要等多一陣喇,希望OPPA可以健健康康地回歸!

LOAD MORE